Х.БАТТУЛГА: Одоо "ХАЙРЫН ТЭВРЭЛТ" Монгол руу хандсан

УИХ-ын нэгдсэн чуулган

УИХ-ын гишүүн Х.Баттулгын “Өдрийн сонин”-д өгсөн ярилцлагаас та бүхэндээ онцлох 93 эшлэлийг хүргэж байна. 

Төмөр замын тухай 

1. Нарийн цариг тавьж болохгүй ээ. 
    
2. Таны сонгосон хүмүүс чинь л Их хурал дээр хаалттайгаар царигийг шийдэх гэж байна. Энэ бол гэмт хэрэг.
    
3. Эд нар хүчиндээд нарийн царигийг дэмжээд л явах байх л даа. Тэглээ гээд энэ улс орон баяжихгүй.
    
4. Түүхээс аваад үзэхэд бид урд хөрштэйгээ байнга бэлчээрийн маргаантай байсан. Тэр түүх гэнэт алга болно гэж байхгүй. 
    
5. Хятадын номлол Хонконг, Макао, Тайвань, Ар Монгол. Энэ бол нууц биш. 
    
6. Хятадын дарга Энэтхэгт айлчлахад өөдөөс нь жагсаал зохион байгуулж байна. Тэнд ардчилал байна гэсэн үг. 
    
7. Монгол Улсын Ерөнхийлөгчид загнуулах нь МоАХ-ны даргын хувьд сандраад байх зүйл биш. 
    
8. Хятадын даргын айлчлалын үеэр цувааг нь сөрөөд гүйж явсан хүн би мөн. Би өглөө болгон гүйдэг.
    
9. Сү.Батболд Ухаа худагт оролцоотой, хувьцаатай байсан. 
    
10. Шинэ төмөр зам улсын бодлогоор тавигдбал Ухаа худагийн хувьцаа унана, тийм болохоор саад болно гэсэн эрмэлзэлтэй, далд санаатай явсан.
     
11. Тиймээс ард түмний Тавантолгойгоос өрсөж өөрийнхөө Ухаа худагт IPO гаргаж, хувьцааны захаас эхэлж мөнгө олох зорилготой бүлэглэл шинэ төмөр замд тээг болсон.
     
12. Төмөр замыг сайд санаачлаад, сайд барьдаггүй.
     
13. Их хурлаар баталчихсан улсын бодлогыг л хэрэгжүүлдэг.
     
14. Ерөнхий сайд, Засгийн газрын гишүүд, бүх Их хурлын гишүүд төмөр замыг ингэж барих нь зөв гэсэн нэг чиглэл рүү харах ёстой. 
     
15. Сайдын төсвөөр төмөр зам барина гэж байхгүй.
     
16. Их хурлаар шинэ төмөр замд зориулан баталсан мөнгийг А.Гансүхийг Зам тээврийн сайд болсны дараа л олгосон. 
     
17. Дахин хэлэхэд төмөр замын бодлогыг нь 2010 оны зургадугаар сарын 23-нд Монгол Улсын Их хурал баталчихаад, мөнгийг нь 2013 оны гуравдугаар сард эхэлж өгсөн байдаг.
     
18. Тэгэхээр намайг төмөр замын мөнгө идсэн уусан гээд яриад, бичүүлээд байгаа хүмүүсээс "Намайг байхад өгөөгүй мөнгийг яаж идэж, уудаг юм бэ" гэж асуумаар байгаа юм.
     
19. Далангийн ажил гээд байгаа нь хувийн компаниуд өөрсдөө зээл аваад хийсэн ажил. 
     
20. Одоо бодож байхад гэнэн байж дээ.
     
21. Үнэн зүйлийг гаргаж тавьсан учраас хүмүүст хүрсэн. Худал зүйлийг хүмүүс шууд л мэднэ, дэмжихгүй
     
22. Бид үүрд түүхий эд экспортлогч байх бол нарийн цариг тавьж болно. 
     
23. Царигийн асуудлыг хаалттай хурлаар шийдэж болохгүй. 
     
24. Хаалттай хурал бол хууль бус.
     
25. Тавантолгойг бид хоёр сая 900 мянган иргэндээ хувьцаа болгоод өгчихсөн байгаа.
     
26. Түүхий эдээ хэчнээнээр нь зөөлөө ч энэ улс орон баяжихгүй гэдэг бол тодорхой. 
     
27. Ойрхон Тажикийн, холдоо Африкийн жишээг хар л даа.
     
28. Бүхий л тусгаар орон төмөр замын асуудлаа өөрийнхөөрөө шийддэг. 
     
29. Дорнод хил рүү ирчихсэн төмөр замыг япончууд Халхын гол руу орж ирэхийн тулд барьсан гэдэг. 
     
30. Япончууд Халх гол руу дайрсан нь Тамсагбулагийн нефтийн сав газрыг судалсантай холбоотой. Нефть байгааг мэдэнгүүт хүнд техникээ оруулж ирэх болсон, тэгээд төмөр зам тавьсан.
     
31. Гаргасан бензинээрээ зэвсэг, техникээ хангаад, наашаа цөмөрнө гэж тооцож байжээ. Энэ бол төмөр зам яагаад тавьдгийг илтгэх түүх.
     
32. Хэдэн доллар, юань зээлэх гээд байна, тийм болохоор царигаа тэдний хүслээр өөрчилье гэдэг бол улсын эдийн засгийг худалдаж байгаа хэрэг. 
     
33. Өнөөдөр Монголын улс төрд идэвхтэй байдаг 200 хүн, тэдний дотор 20-иод нөлөө бүхий гэр бүл. Миний ажиглалтаар тэр 20 гэр бүлийг хоёр, гуравхан хүн чиглүүлдэг ийм л дүр зураг тодорч байна. 
     
34. Та ч гэсэн өрөнд баригдаад эхэлбэл аав, ээжийнхээ үлдээсэн үнэтэй хөөргийг ломбарданд хямдхан өгнө. 
     
35. Сахилга батгүй, зарчимгүй улс төрчидтэй, эдийн засаг нь суларч байгаа Боливи, Венесуэл, Аргентин, Африкийн орнуудад урд хөрш их хэмжээний зээлийг зориуд баялгийг барьцаалан өгч байгаа.
     
36. Энэ хэвээрээ яваад байвал аль ч нам ялсан ялгаа алга. 
     
37. Нам нам л гэж том яриад үнэндээ нам доторх цөөхөн хэдэн хүний хуйвалдаанаар бүхнийг шийдэж байгаа. 
     
38. Орост тэр байтугай үндсэрхэг агуулгатай нэвтрүүлэг өчнөөн л гардаг. В.Путин тоодоггүй. Манай Ерөнхийлөгч загнаж байг л дээ.
     
39. Улсынхаа Ерөнхийлөгчид үг нь хүрч, тоогдож загнуулна гэдэг МоАХ-ны даргын хувьд сандраад байх зүйл биш. 
     
40. Хятадад нэг нэвтрүүлгийн араас хөөцөлдөөд явах тийм жижиг улс төр байхгүй. 
     
41. Урд хөршөөс өөр хөрөнгө оруулагч бидэнд олдохгүй. 
     
42. Өвөр монголчууд Хятадын "хайрын тэврэлт" хүнд гэж ярьдаг. 
     
43. Одоо хайрын тэврэлт Монгол руу хандсан.

Азийн олимпийн талаар

 "Хятадын даргын айлчлалын үеэр цувааг нь сөрөөд гүйж явсан хүн БИ МӨН" Х.БАТТУЛГА

1. Дэлхийн долоон тэрбум хүний дөрвөн тэрбум нь Ази тивд амьдардаг. 
    
2. Дөрвөн тэрбум хүнээс шалгарагсдын тэмцээн гэхээр яах аргагүй том байж таарна. 
    
3. Тамирчид олон улсын тэмцээн, уралдаанд оролцож байж чадварждаг. 
    
4. Тэмцээнд явах зардал мөнгийг нь шийдээд өгчихөөр байгалиасаа авьяастай, ноцолддог хүүхдүүд тодроод гараад ирнэ.

​Рио – 2016 олимпийн наадам 

1. Ирэх олимпоос хоёроос гурван медаль авах санаа байна. 
    
2. Жүдо бөх багийн спорт шиг л зардал гардаг. 

Давхар дээл

1. Ерөнхийлөгчийн санаачилсан УИХ-ын гишүүн, Засгийн газрын гишүүнээр давхар ажиллаж болохгүй гэдэг хуулийн төслийг эхнээс нь дэмжсэн. 
    
2. Дэмжиж, кноп дарчихаад дараа нь улайхгүй сайдаа хийгээд явна гэдэг ямар вэ. 
    
3. Миний санаачилсан бүтээн байгуулалтын төслүүд, ихэнх ажлыг Засгийн газар дэмжээгүй.
    
4. Ажил дэмжигдэхгүй байхад сайдын суудал бөглөөд суух нь ухаалаг хэрэг мөн үү.

Хоёр хөршийн төрийн тэргүүний айлчлал

1. Бараг л нэг гараанаас хөдөлцгөөсөн хоёр хөрш маань бидэн дээр аврагч, туслагчийн дүрээр ирж байна.
    
2. 25 жилд юу хийснээ бид саяын хоёр айлчлалаар сайн тольдож харсан болов уу.
    
3. Монгол морио ломбарданд тавьчихаад, эмээлээ үүрээд алхаж байхад, хөршүүд хажуугаар онгоцтой, лимузинтэй шурхийн гараа даллаад урагшилж байна. 


4.  

Далай ламын тухай

1. Далай гэдэг чинь монгол үг.
    
2. Далай лам тусгаар тогтнолоо алдчихсан нэг хүний төлөөлөл шүү дээ. Тэр хүнээс яриа авсан юм. 
    
3. Далай лам Монголд ирж чадахгүй болсон нь урд хөршийн айлчлалтай холбоотой. 
    
4. Уг нь манайхан ир гэж урьчихаад Хятадын дарга ирнэ гэхээр таг болсон. Ядаж жилийн ажлаа төлөвлөчихөөд урихад яадаг байнаа гэсэн бодол төрсөн.
    
5. Нэвтрүүлэг хэзээ гарахыг "Hero"-гийнхон мэднэ. Би нэвтрүүлгийн хөтлөгчөөр орсон. 

Засгийн газрын бүтэц:

1. Ерөнхийлөгч УИХ-ын гишүүн Засгийн газрын гишүүнээр давхар ажиллаж болохгүй тухай ярьж байхад л энэ саналаа оруулж ирэх байсан юм. Дагуулж тонгорох гэдэг аятайхан шийдэл болох байлаа.
    
2. Одоо 76 сайдтай боллоо ч, есөн сайдтай болоод ч нэмэргүй.
    
3. Түр аргацаах маягийн мэх л гэж харагдаж байгаа.
    
4. Фракцуудын зөрчил шашин хоорондын мөргөлдөөн шиг нийцэшгүй зүйл биш л байхгүй юу.
    
5. Фракцуудыг бүгдийг нь сайдтай болголоо. Үр дүн л харагдахгүй байна. 
    
6. Жишээлбэл, Соёл, спорт аялал жуулчлалын яамыг шинээр байгууллаа. Тэглээ гээд урлаг, спортынхон сахил хүртээд шал дордлоо л гэж байгаа.
    
7. Сонгуулийн үеэр нэг юм амлаж зурагтаар ярина, рекламаа цацна, сонгууль өгнө. Дараа нь мартагдана. Энэ хооронд гэр бүл, фракцууд таргалдаг. 
    
8. МАН ч гэсэн адилхан байсан бус уу.

Ерөнхий сайдын тухай:

1. Зальтай хүнийг зөв дүгнэх ч хэцүү шүү дээ.

Хөгжлийн тухай

1. Таныг ямар ч дэд бүтэцгүй газар руу яв, хөгжүүл гэвэл явах уу. 
    
2. Манайхан 1000 инженерийг Японд бэлдэнэ л гээд байгаа. Ямар мэргэжлээр, юуны чиглэлээр бэлтгэх юм. 
    
3. Гадаадад ажиллаж байгаа нарийн мэргэжлийн хүмүүсийг Монголдоо ир гээд дуудаад байдаг. Тэд ирлээ гээд Монголд хийх ажил нь байгаа юу. Та ямар мэргэжилтэй вэ? 
    
4. Монгол Японоос дайны төлбөрт эхлээд 80 сая доллар нэхээд, эцэст нь таван тэрбум иен буюу 17 сая доллараар тохироод ямааны ноолуур, тэмээний ноос боловсруулах үйлдвэр, хайрцаг, зай, цонхны үйлдвэр, томоохон зочид буудал бариулах хүсэлтээ 1974 онд гаргажээ. Хэлэлцээр гурван жил үргэлжилж, 11 жил хөөцөлдөөд "Говь" үйлдвэрийг л бариулсан. 
    
5. Эрдэнэт уулын баяжуулах үйлдвэр баригдаад дуусахад мэргэжилтнүүд нь бас бэлтгэгдээд ирсэн. Энэ чинь бодлого. Ийм бодлого сүүлийн 25 жилийн хугацаанд дээд зэргээр алдагдчихлаа.
    
6. Орос, Хятад бодлогоо чанд бариад, тогтвортой байсны дүнд 2008 онд Бээжинд олимп, 2014 онд Сочид өвлийн олимп зохион байгуулсан. Харин манайд олимп байтугай наадмаа хийх стадионоо хар л даа. 
    
7. Хөгжлийн урт хугацааны концепциудаа ядаж батлаад авах юм бол хөрөнгө оруулагч нарт тодорхой болно. 
    
8. Төмөр зам, хүнд, хөнгөн үйлдвэр, ХАА, газар тариалан, хот, хөдөөгөө ингэх юм байна гэдэг нь тодорхой болчихоор та болон таны хүүхдийн ирээдүй тодорхой болно. 
    
9. Бид аман улс төрчдөөс аль болох хурдан татгалзаж, ажил хэргийн улс төр лүү орох хэрэгтэй.
    
10. Хөгжил чинь цөөхөн юмнаас л хамаарч байгаа. Газрын доорх баялаг, газар дээрх баялгаа яах юм. Хүн, аж үйлдвэрээ яах юм гэсэн тодорхой зүйлүүд бий.
     
11. Монгол Улсад баялаг хангалттай, нутаг хангалттай, хүн ард нь авхаалжтай, чадвартай.
     
12. 1.5 сая км квадрат газарт өчнөөн нөөцтэй ийм сайхан өгөгдөлтэй улс яагаад хөгжихгүй байгаа юм. 
     
13. Ийм баян, шашны зөрчилдөөн байхгүй тийм амгалан тайван улс. Энэ бол эдийн засагт нэн таатай нөхцөл, зүгээр л гайхамшиг. 
     
14. Баялаг уламжлал, өв соёл, түүхтэй, боловсролтой иргэдтэй байна гэдэг ховор боломж.
     
15. Гэтэл 25 жил гацаагаад, унтуулчихлаа. Тиймээс улс төрчид нь ард түмнээсээ уучлалт гуйх цаг нь болсон. 
     
16. Дараа нь манайхан эхний ээлжинд 25 жилийн тогтвортой хөгжлийн бодлогоо гаргаад гадны хөрөнгө оруулагчдад мессэж болгон өгөх хэрэгтэй. 
     
17. Ялсан нам хүнээ тавьдаг биш мэргэжлийн хүнийг нь тавьж чаддаг болчихвол нам, улс төр рүү тэмүүлдэг хүмүүс багасч бизнесийнхэн улс төр рүү бус бизнестээ анхаарал хандуулаад явчихна. 
     
18. Сонгуулийн үеэр нэг юм амлаж зурагтаар ярина, рекламаа цацна, сонгууль өгнө. Дараа нь мартагдана. Энэ хооронд гэр бүл, фракцууд таргалдаг. 
     
19. Засгаас тэр тухайн чигийнх нь мэргэшсэн менежерийг урьж авчраад хоёр жилийн дотор ашигтай ажиллуулж чадах уу гэдгийг нь асуу. 
     
20. Ийм их баялагтай манайх шиг орон хоёр жилийн дотор босоод ирэх бүрэн боломж байна. 
     
21. 27 хүрч яваа залуу өөрийн болон гэр бүлийн асуудлуудаа төлөвлөдөг болчихсон нас биз дээ. Өглөө босоод л юу хийдэг юм билээ гээд гиюүрээд суудаггүй байх, тийм үү. 
     
22. Тэгэхээр бүхэл бүтэн улс ийм хугацаанд ингэж хөгжинө гэдгээ тодорхой болгочихмоор байгаа юм. 
     
23. Дөрөв, дөрвөн жилээр ээлжлэн Засаг барьдаг нөхцөлд урт хугацааны бодлого хэрэгжих боломж алга.