Х.БАТТУЛГА: Ардчилсан намыг “Алтангадас”-аар төсөөлж болохгүй шүү

УИХ, ЗГ-ын гишүүн Х.Баттулга, УИХ-ын гишүүн Р.Бурмаа нар, УИХ-ын нэгдсэн чуулганы үеэр, 2014 он

Улстөр тогтворгүй байна.

Энэ Засгийн газар бүтцийн өөрчлөлт хийх болов уу яах бол гэсэн янз бүрийн асуулт хариултаа хүлээсээр байгаа юм. 

Хаврын улстөр дэх нэгэн дуулианы эзэн бол Х.Баттулга. 

ҮХАА-н сайдын албан тушаалаасаа өөрийн хүсэлтээр чөлөөлөгдөх өргөдлөө өгснөөс хойш тэрбээр анх удаа хэвлэлд ярилцлага өгчээ. 

Х.Баттулга Хэвлэл мэдээллийн салбарт цоо шинэ өнгө төрхөөр гарч ирж буй "OPEN DOOR" сонины хоёр дахь дугаарын зочин болж оржээ. 

Ярилцлагын мастер Б.Ганчимэгийн Х.Баттулга сайдтай хийсэн ярилцлагаас iKon.mn ЗОХИОГЧИЙН ЭРХИЙН ЗӨВШӨӨРӨЛ-тэйгээр ОНЦЛОХ ЭШЛЭЛҮҮДИЙГ хүргэж байна. 

УИХ, ЗГ-ын гишүүн Х.БАТТУЛГЫН ХЭЛСЭН ОНЦЛОХ 60  ЭШЛЭЛ:

Шинэчлэлийн Засгийн газар ба УИХ-ын АН-ын бүлгийн тухай:

1. 2012 оны сонгуулиар бид бас л олонх болж чадсангүй. 34- үүлээ л болсон.
    
2. Сүүлд Өвөрхангайгаас хоёр орж ирсэн. Нэлээн маапаантай орж ирснийг та өөрөө мэдэж байгаа.
    
3. Урд нь төлөвлөж байсан бүх ажлуудаа хийнэ ээ, улс орны эдийн засгийг хөгжлүүлнээ гээд ҮХХАА-н яаманд тохоон томилогдлоо.
    
4. Энэ хамтарсан засгийг байгуулах ажилд АН-аас бол би толгойлж ажилласан ухаантай юм шүү дээ. 
    
5. Эдийн засгийн хөгжлийн яамыг байгууллаа. Энэ дээрээ нөгөө нэг дээд тэнгэрийг бас сонин идей юм яриад явдаг юм, ажил хийх бололцоог нь олгоё гэж ярилцаж байгаад тавьлаа.

Сайдын албан тушаалаас чөлөөлөгдөх хүсэлтийн тухайд:

1. Огцрох өргөдлөө өгчихсөн үед бол огцорно л доо.
    
2. Хуулиараа бол энэ чинь кнопоор унадаг юм байна л даа. Нөгөө Р.Амаржаргал гишүүний асуудал шиг. 
    
3. Ажил явахад маш хэцүү нөхцөл байдлууд үүссэн.
    
4. Миний бодож төлөвлөөд яваа бүх зүйлс биелэхгүй юм байна гэсэн бодлыг өөртөө тээж эхлэсэн л дээ.
    
5. Ерөнхийлөгчийн яриад байгаа давхар дээл гэдэг энэ асуудлыг далимдуулаад бид засаглалдаа нэг өөрчлөлт оруулаад авъя.
    
6. Аж үйлдвэрийн орон болгоно гэсэн энэ зорилго маань бүтэхгүй магадлал гараад ирэхээр ер нь эртнээс байр сууриа илэрхийлье. Баримталж байгаа зарчмаа ил болгож зарлая гэж шийдээд өөрийн шийдвэрийг гаргасан юм.
    
7. Цаашид би УИХ-ын гишүүнээрээ ажиллана.
    
8. Орондоо томилогдсон сайдад бүх ажлаа хүлээлгэж өгнө, дэмжиж ажиллана.
    
9. Шүүмжлэгч байя л гэсэн үг л дээ. 
    
10. Надад Ерөнхий сайд болох санаа байхгүй. 

Н.Батбаяр сайдын тухай: 

1. Намын нэг нөхрийнхөө тухай хэвлэлээр элдэв юм ярих бодол үнэхээр алга.
    
2. Юу хэлэхээ үнэхээр мэдэхгүй байна. Намайг ч гэсэн тэгж ярьдаг байлгүй дээ.
    
3. Эмгэгтэй хүн гэж хэнийг хэлж байгааг би сайн мэдэхгүй байна.

Р.Бурмаа гишүүнийг АН-аас хөөх Хяналтын хорооны дүгнэлтийн тухайд:

1. Сүрдүүлэг байх л даа. 
    
2. Тэр чинь ерөнхийдөө “Алтангадас” фракцид л үйлчилдэг нам доторх байгууллагууд шүү дээ.
    
3. Гүйцэтгэх зөвлөл, Хяналтын хороо эд нар чинь үндсэндээ нэг фракцийн л улсууд болчихсон байгаа.​
    
4. Ардчилсан намыг “Алтангадас”-аар төсөөлж болохгүй шүү.
    
5. “Алтангадас” бол зүгээр л нэг фракц.
    
6. Энэ тухай намайг яг “ориг” огцорсоны дараа ярилцъя.

Ерөнхийлөгч Ц.Элбэгдоржийн тухайд:

1. Энэ хүнтэй найз нөхдийн хэлбэрээр харьцах харьцаа гэж байхгүй шүү дээ. Энэ харилцаа байхгүй болсон. 
    
2. Чин үнэнийг хэлэхэд хоёр масктай нөхөр масктайгаа сууж, ажил төрлийн асуудлуудыг танилцуулж, байр сууриа солилцоод л гардаг.
    
3. Ерөнхийлөгч, Засгийн газрын нэг гишүүн хоёрын л харилцаа байдаг. 
    
4. Балбах гэхээр дандаа л өөрийнх нь хүмүүс байдаг. Тэгээд хайрлах хайр нь түрүүлээд байдаг ч юм уу. Мэдэхгүй

Геополитикийн асуудлаар:

1. Сибирийн баялгийг оросууд хэнтэй хамтарч ашиглах вэ гэдэг  маш том толгойны өвчин гарч ирэх байх л даа.
    
2. Сибирийг яах вэ гэдэг энэ толгойн өвчний хажуугаар бидний монголчууд хаана, хэнтэй, ямар бодлогоор явах вэ гэдгээ алсын хараатайгаар, тун зөвөөр бодож олох хэрэгтэй.
    
3. Төмөр зам гэдэг энэ зүйлийг чинь 70-100 жилийн стратегийг харж байж тавьдаг зүйл шүү дээ. Түүнээс биш 2016 оны сонгуульд ялах гэж тавьдаг зүйл биш.
    
4. 25 жилийн дараа Бээжингээс хараат болж хувирах нь ээ.
    
5. Харамсалтай нь богинохон бодолтой улстөрчид маань тун гоомой алхмуудыг хийгээд эхэллээ.
    
6. Зохион байгуулалттайгаар энэ улсыг элгээр нь хэвтүүлэх юм яваад эхлэв үү дээ гэх бодол өөрийн эрхгүй төрөх юм.
    
7. Энэ их эмгэнэлтэй бодлого шийдвэрүүдийг хараад дотор нь суугаад байх хэцүү л дээ.

МоАХ-ын тухай:

1. Бүх юмны үзүүр дээр бол МоАХ явсан.
    
2. Үнэхээр ерэн онд эд л бүхний урд явсан. Цагаан захтнууд тэр үед хаана байсан юм.
    
3. “Тавантолгой”-н ордыг хоёр том нам дагнасан хэдхэн хүний гарт байхад МоАХ жагсаал хийж байгаад л 96 хувийг нь буцааж Төрд авчирч байсан шүү дээ.
    
4. Эмгэнэл л гэж нэрлэмээр ийм үе  ирчихээд байна. 

Эдийн засгийн тухай:

1. Аюул нүүрлэчихсэн шүү дээ. 

Хөдөө аж ахуйн салбарын тухай:

1. Монголчууд хил хаахад л ард нь гурилтайгаа сууж байх ёстой.
    
2. Хөдөө аж ахуйн салбар бол хамгийн гайгүй байгаа л салбар шүү дээ.
    
3. Энэ хоёр бол хөдөө аж ахуйн салбарт зүтгэж байгаа хүмүүсийн үндсэн хөдөлмөр. 

Шинэ сум төслийн тухайд:

1. Эх орон Улаанбаатараас эхэлдэггүй.
    
2. Эх орон бол Монголын энэ уудам нутгаар тархан сууж байгаа малчдаас эхэлнэ.
    
3. Эх орон сумаас эхэлдэг. Утга нь энэ. 
    
4. Сумд маань ная, ерэн жил наслажээ. Цаг хугацааны эрхээр хуучирчээ. Элэгджээ. Мартагджээ. 
    
5. Говийн ганц айл...одоо сумын ганц айл гэж.
    
6. Малчид гэдэг энэ хэсэг чинь манай Монгол улсын хамгийн үндсэн стратегийн том бүтэц. Нийтдээ 146 мянган өрх энд ажиллаж байна. Хотынхон бол энийг яагаад ч ойлгохгүй. Ялангуяа Сэлэнгээс гарч ирсэн зарим гишүүн бол бүр ойлгохгүй.
    
7. Хөдөө байгаа малчин хүн соёлын төвөөр үйлчлүүлэх ёстой. Спортын заалаар үйлчлүүлэх ёстой. Сургуульд үр хүүхдүүд нь сурах ёстой. Эмнэлэгт эмчлүүлэх ёстой.
    
8. Мөнгөн дүнгээр нэг сум 13 тэрбум төгрөгөөр босох юм.
    
9. Урьд нь нэг дурак л 13 тэрбум төгрөгөөр казинод тоглочихдог л байсан.
    
10. Өнөөдөр энэ тоог хөрвүүлэхэд зургаан сая доллар. Тэгвэл одоо зургаан сая долларын үнэтэй байранд амьдардаг сайд нар байж л байгаа шүү дээ. 

Майдар төслийн тухайд:

1. Ерөнхийлөгч Ц.Элбэгдорж бид нар анх ярьж байсан хот юм л даа.
    
2. Эко хот гэхээр өнөөдөр дэлхий даяараа дэмжиж байгаа. Дэлхийн хамгийн том аюул юу болсон бэ гэхээр дайн дажин биш, ерөөсөө л экологи болсон.
    
3. Ер нь бол бид энэ янзаараа урд хөршөөсөө ялгагдахгүй болчихлоо шүү дээ. Зүс царай ч адилхан юм. Хоол унд ч адилхан болж байна.

Хэвлэл мэдээллийн тухай:

1. Тэр хаалтын гэрээг чинь анх би хөндөж зурагтаар ярьж байсан юм шүү дээ.  
    
2. Ерөнхийдөө энэ хэвлэл мэдээлэл тэрүүгээр л тэжээгдэж байгаа биз дээ.

Х.Тэмүүжин сайдын тухай:

1. Ерөнхийлөгч бол тэр хүнийг их л сайн тодорхойлсон байна билээ. 
    
2. Бид нэг л кабинетийн сайдууд. “Эрэл”-ийн нам гэдгээс анх хамт ирсэн.