Деку Монголд ирнэ
Португалийн багийн шилдэг тамирчин, хагас хамгаалагч, “Барселона”, “Челси” клубт хүчин зүтгэж явсан Андерсон Луйс де Коза буюу Деку Монголд ирэхээр болжээ.
Энэ жил “Tiger Street football” тэмцээн Сингапур, Камбож, Монгол Улсад зохион байгуулагдах болсон учраас түүнийг ийнхүү манай улсад урьсан аж.
Тэмцээний эхний тоглолт наймдугаар сарын 9-нд Камбожид, дараагийнх нь наймдугаар сарын 23-нд манай улсад, сүүлийн шатны тоглолт есдүгээр сарын 6-нд Сингапурт болох аж. Тэгэхээр Деку наймдугаар сарын сүүлчээр манай улсад ирэх бололтой.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
