3,800 гаруй мотоцикл сонирхогч оролцох Талын салхи наадам амралтын өдрүүдэд болно
“Талын салхи 2026” наадам “Эх хүүхдийн эрүүл мэндийн төлөө” уриан дор энэ сарын 6, 7-ны буюу энэ долоо хоногийн амралтын өдрүүдэд болох бөгөөд энэ үеэр хандивын аян зохион байгуулж, хүүхдийн эрүүл мэндэд нэн шаардлагатай эмнэлгийн тоног төхөөрөмж худалдан авахаар төлөвлөжээ.
Тус мото наадамд Монгол Улсын 70 мото клубын 3,800 гаруй мотоцикл сонирхогчоос гадна БНХАУ, ОХУ, БНСУ, БНУУ, Малайз зэрэг олон улсын мото сонирхогчид оролцоно.
Мото наадам нь “Говь ресорт” спорт цогцолборт үргэлжилнэ гэж Нийслэлийн Аялал Жуулчлалын Газраас мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
