Хэнтий, Дундговь, Дорноговийн нутгаар шороон шуургатай, зүүн, төвийн аймгууд болон нутгийн өмнөд хэсгээр хүчтэй салхитай байна
2026 оны 10 дугаар сарын 22-ны 13:00 цагийн байдлаар Дундговь аймгийн өмнөд хэсгээр буюу Өлзийт суманд салхи баруун өмнөөс секундэд 20-22 метр хүрч, зарим үед 25-27 метр хүрч, хүчтэй шороон шуурга шуурсан байна.
Иймд үзэгдэх орчин хязгаарлагдаж байгаа тул болзошгүй аюулаас сэрэмжтэй байхыг анхаарууллаа.
Өнөөдрийн 17:00 цагийн байдлаар Хэнтий, Дундговь, Дорноговийн нутгаар шороон шуургатай байна. Харин зүүн, төвийн аймгууд болон нутгийн өмнөд хэсгээр хүчтэй салхитай байна.
Himawari-9 хиймэл дагуулын мэдээгээр тодорхойлсон шороон шуурганы зураг / Ягаан, тод ягаан өнгө - Дундговь, Дорноговь, Хэнтийн өмнө / 2026.10.22 16:30 Цаг
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
