Тайландын Засгийн газрыг дэмжигчид жагсаал хийнэ
Тайландын Засгийн газрыг дэмжигч, Дарангуйллын эсрэг ардчиллын төлөөх нэгдсэн фронтын удирдлагууд Бангкокоос 300 км зайтай Накхон Ратчасима хотод өчигдөр цугларсан аж.
Тэд Бангкокт эх орондоо өрнөж байгаа Засгийн газрыг эсэргүүцсэн цуглааны эсрэг олон нийтийн жагсаал зохион байгуулахаар төлөвлөж байгаа гэнэ.
Фронтын удирдлагуудын нэг Чатупхон Промпхан “Бид ирэх долоо хоногт Бангкок хотод өргөн хэмжээний жагсаал зохион байгуулна. Бидний хөдлөх цаг болсон. Сөрөг хүчний хийж байгаа жагсаалыг таслан зогсооно” гэжээ.
Дарангуйллын эсрэг ардчиллын төлөөх нэгдсэн фронт нь бие биеэсээ ялгаатай улстөрийн үзэл баримтлал бүхий хэд хэдэн фракцитай бөгөөд 2006 онд Ерөнхий сайд асан Таксин Чинаватраг 2006 онд цэргийн эргэлтээр түлхэн унагаах үед хөдөлгөөн маягаар үүссэн юм.
Хамгийн олон хүнтэй орон нутгийн энэхүү байгууллага нь Йинглак Чинаватрагийн Засгийн газар ардчиллыг хамгаалж чадахгүй бол “улаан цамцтанууд” ардчиллыг хамгаалах ажлыг гартаа авна гэдгээ хэлжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
