XYII жарны “Ялгуусан” хэмээх хөх модон морин жилийн сар шинийн өдрүүдэд Монгол Улсын Ерөнхийлөгч, Ерөнхийлөгчийн Тамгын газрын дарга нар дараах арга хэмжээнүүдэд оролцоно. Үүнд:
Битүүнд:
- Нэгдүгээр сарын 30-ны пүрэв гариг буюу битүүний өдөр 11.40 цагаас Төрийн ордны Ёслол хүндэтгэлийн Их танхимд Төрийн одон, медаль гардуулах ёслол болно.
- Мөн 12.40 цагт Улсын цолны болзол хангасан уяачдад цол олгоно.
- 14.00 цагаас уламжлал ёсоор Монгол бөхийн өргөөнд хүчит 256 бөхийн барилдаан болно. Монгол Улсын Төрийн тэргүүн болон бусад төрийн өндөр албан тушаалтнууд үзэж сонирхох юм.
Шинийн нэгэнд:
- Нэгдүгээр сарын 31-ний баасан гариг буюу шинийн нэгний өглөө 08.15 цагт Төрийн ордны Ёслол хүндэтгэлийн өргөө гэрт Төрийн туганд хүндэтгэл үзүүлнэ. Дараа нь Төрийн ордны Ёслол хүндэтгэлийн А танхимд төрийн өндөрлөгүүд өндөр настнуудтай золгоно.
- Түүнчлэн Ерөнхийлөгчийн Тамгын газрын дарга П.Цагаан болон УИХ-ын Тамгын газар, Засгийн газрын Хэрэг эрхлэх газрын дарга нар мөн өдрийн өглөө 09.20 цагаас Гандантэгчинлэн хийдэд Монголын ард түмний заяа буяныг даатгаж мандал өргүүлэх ёслолд оролцоно.