ҮЙЛ ЯВДАЛ: МАН-ын удирдах зөвлөл УИХ-ын даргыг томилох асуудлыг хэлэлцэнэ

Тусгаар тогтнолын ордонд

09:00 цагт МАН-ын удирдах зөвлөл УИХ-ын даргыг томилох асуудлыг хэлэлцэнэ.

Төрийн ордонд

10:00 цагт УИХ-ын хаврын ээлжит чуулган хуралдана.

11:00 цагт Ардчилсан намын "4:11 мэдээллийн цаг" ээлжит хэвлэлийн бага хурлаар Туулын хурдны зам төслийн талаарх нээлттэй хэлэлцүүлгээс гарсан шийдвэр, нийслэл хотын төсвийн асуудлаар мэдээлэл өгнө.

Шангри-Ла зочид буудалд

10:00 цагт Үл хөдлөх хөрөнгийн салбарын төлөөлөл, хөрөнгө оруулагчид болон бодлого тодорхойлогчдыг нэгтгэсэн “Change Makers Summit” арга хэмжээ эхэлнэ.

One Event Hall Mongolia-д

11:00-19:00 цагт Аутизмын таниулах дэлхийн өдөр тохиож буйтай холбогдуулан нээлттэй өдөрлөг зохион байгуулагдана.

Төв талбайд

12:00 цагт “Хатан туулаа хамгаалъя” иргэдийн хөдөлгөөний зүгээс Монгол улсын Ерөнхийлөгч У.Хүрэлсүх болон шинээр томилогдсон Ерөнхий сайд Н.Учрал нарт хандан нийслэлийн засаг дарга Х.Нямбаатарт хариуцлага тооцох тухай шаардлага хүргүүлнэ.

НҮБ-ын хурлын танхимд

09:00-13:00 цагт Далайд гарцгүй хөгжиж буй орнуудын Олон Улсын судалгааны төв (ДГХБО-ын ОУСТ) болон Зүүн хойд азийн аюулгүй байдал, Стратеги судалгааны хүрээлэн (MINASS) нар хамтран "Далайд гарцгүй хөгжиж буй орнуудын хамтын ажиллагаан дахь залуучуудын оролцоо" сэдэвт хэлэлцүүлгийг зохион байгуулна.

МУБИС-ийн Багшийн сургуульд

09:00-13:30 цагт "Хүүхдийн хөгжил-Хөтөлбөрийн шинэчлэл" сэдэвт эрдэм шинжилгээний хурал зохион байгуулагдана.