Ойрын өдрүүдэд Монгол орны нийт нутгаар өдөртөө нэмэх градусыг давж дулаарч байна

Гэрэл зургийг MPA агентлагийн онцгой зөвшөөрөлтэйгөөр ашиглав

2026.03.30 өдрөөс Монгол орны нийт нутгаар өдөртөө нэмэх градусыг давж дулаарч байна. 3 дугаар сарын 31 өдрийн байдлаар нийт нутгийн 15 хувьд цасан бүрхүүлтэй байгаа талаар цаг уурын байгууллагаас мэдээллээ. 

2026 оны 04-р сарын 03-07-ныг хүртэлх  цаг агаарын урьдчилсан төлөв:  

Хур тунадас: 

• 03-нд төв болон говийн аймгуудын нутгийн зарим газар, зүүн аймгуудын ихэнх нутгаар,
• 04-нд төв болон зүүн аймгуудын ихэнх нутаг, говийн аймгуудын зүүн хойд хэсгээр,
• 05-нд төв болон зүүн аймгуудын нутгийн зарим газраар,
• 06-нд зүүн аймгуудын нутгийн зарим газраар нойтон цас, цас орж, цасан шуурга шуурна.

Салхи: 

• 03-нд говь, тал, хээрийн нутгаар түр зуур секундэд 16-18 метр,
• 04, 05-нд Алтайн уулархаг нутаг, говь, тал, хээрийн нутгаар,
• 06-нд говь, тал, хээрийн нутгаар секундэд 13-15 метр хүрч ширүүсэж, шороон шуурга шуурна.

Агаарын температур: 

• Ихэнх хугацаанд нутгийн зүүн хагаст сэрүүсэж Дархадын хотгор, Завхан голын эх, Хүрэнбэлчир орчим, Хэнтийн уулархаг нутаг, Идэр, Тэс, Ерөө Туул, Тэрэлж, Хэрлэн, Онон, Улз, Халх голын хөндий, Дорнод-Дарьгангын тал нутгаар шөнөдөө -12...-17 градус, өдөртөө +1...-4 градус,
• Хангай, Хөвсгөлийн уулархаг нутаг, Хүрэнбэлчир орчим, Орхон, Сэлэнгэ, Хараа голын хөндийгөөр шөнөдөө -6...-11 градус хүйтэн, өдөртөө +1...+6 градус,
• Их нууруудын хотгор, говийн бүс нутгийн баруун өмнөд хэсгээр шөнөдөө -1...+4 градус, өдөртөө +14...+19 градус дулаан,
• бусад нутгаар шөнөдөө -3...-8 градус хүйтэн, өдөртөө +5...+10 градус дулаан байна.