Их Британийн цагдаа Америкийн дуучин Крис Брауныг баривчилжээ
Аялан тоглолтын бэлтгэлээр Их Британид хүрэлцэн ирсэн Америкийн R&B дуучин Крис Брауныг хоёр жилийн өмнө үйлдсэн хэрэгтэй нь холбогдуулан баривчилснаа Лондон хотын цагдаагийн газар мэдээлжээ.
2023 оны хоёрдугаар сарын 19-ний өдөр Лондон хотын нэг шөнийн клубт гарсан зодоонд Браун холбоотой юм байна. Энэ үеэр түүнийг бусдын биед санаатай гэмтэл учруулсан гэж үзэж байгаа гэнэ.
36 настай одыг Пүрэв гарагийн өглөө эрт Манчестер хотын нэг зочид буудлаас баривчилжээ.
Тэрбээр өнөөдөр буюу Баасан гарагт болох шүүх хуралд оролцох юм байна.
Крис Браун ирэх зургаа, долдугаар саруудад Их Британи даяар хэд хэдэн тоглолт зохион байгуулахаар төлөвлөж байгаа ажээ.
Эх сурвалж: BBC
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
5 СЭТГЭГДЭЛТЭЙ
|
