Эмэгтэй хөлбөмбөгчид Азийн АШТ-ий урьдчилсан шатанд өрсөлдөнө
2026 онд Австралид болох эмэгтэй хөлбөмбөгийн Азийн Аварга Шалгаруулах Тэмцээн (ААШТ)-ий урьдчилсан шатанд Монголын эмэгтэй шигшээ баг өрсөлдөх юм.
Урьдчилсан шатны тоглолтууд энэ сарын 23-нд эхэлж, долдугаар сарын 5-нд өндөрлөх хуваарьтай.
Энэ удаагийн тэмцээнд шар тивийн 34 баг найман хэсэгт хуваагдах бөгөөд хэсгээ тэргүүлсэн багууд ногоон тивийг зорих эрхээ авах юм. Одоогоор зохион байгуулагч орон Австрали, 2022 онд болсон тивийн аваргаас эхний гурван байрт орсон багууд болох БНХАУ, БНСУ, Японы баг эрхээ аваад буй.
Тэгвэл дэлхийд чансаагаар 126 бичигдэж буй Монголын эмэгтэй шигшээ баг "B" хэсэгт өрсөлдөнө. Энэ хэсгийн тоглолт Тайландад болох бөгөөд Энэтхэг, Монгол, Зүүн Тимор, Иракийн бүсгүйчүүд өрсөлдөх аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
