ТАНИЛЦ: Үндэсний хороодыг татан буулгаж, 9 сайдыг шинээр томилж, 10 сайдыг үргэлжлүүлэн ажиллуулах гэж байна
18:32 2025/06/17
Шинээр бүрдэж буй Засгийн газарт Үндэсний эвсэл хамтарч, тэргүүн Н.Номтойбаяр нь Шадар сайдаар томилогдоно хэмээн мэдээлсэн.
Гэвч Ерөнхий сайд чуулганы хуралдаанд Засгийн газрын бүрэлдэхүүнээ танилцуулахдаа Шадар сайдаар Н.Номтойбаярыг бус С.Амарсайханыг танилцуулав.
Ийнхүү Засгийн газарт ХҮН нам, Иргэний Зориг Ногоон Нам нэгдэж байгаа аж.
Чуулганы хуралдааны өмнө Үндэсний эвслийн тэргүүн Н.Номтойбаяр "Үндэсний эвсэл Засгийн газарт хамтрах эсэхээ нэгдсэн байдлаар шийдээгүй байна. Бүлгийн хурлын дараа Ерөнхий сайд Г.Занданшатартай уулзана. Шинээр бүрэлдэх Засгийн газрын бүтцийг харж байж хамтрах эсэх шийдвэрээ гаргана" хэмээн ярьсан юм.
15:34 2025/06/17
Монгол Ардын Намын Удирдах зөвлөлийн хурал өнөөдөр болж, Засгийн газрын бүтэц, бүрэлдэхүүний тухай асуудлыг үндсэндээ тодорхой болголоо.
МАН-ын ерөнхий нарийн бичгийн даргын Я.Содбаатарын өгч буй мэдээллээр гурван Үндэсний хороог татан буулгахаар болсон байна.
- 20 минутын хот Үндэсний хороо - Р.Эрдэнэбүрэн /АН/
- Боомтын сэргэлтийн Үндэсний хороо - Б.Тулга /МАН/
- Хяналт, үнэлгээний Үндэсний хороо - Э.Одбаяр /АН/ нар ахалж байсан юм.
Түүнчлэн өмнөх Засгийн газрын үйл ажиллагааны хөтөлбөрийг шинэ Засгийн газар үргэлжлүүлэх тул зарим сайдыг улираахаар болсон байна. Тодруулбал,
- С.Бямбацогт - Засгийн газрын хэрэг эрхлэх газрын дарга
- Б.Батцэцэг - Гадаад харилцааны сайд
- С.Амарсайхан - Шадар сайд
- Н.Учрал - Тэргүүн шадар сайд
- Б.Чойжилсүрэн - Эрчим хүчний сайд
- Ж.Энхбаяр - Хүнс, хөдөө аж ахуй, хөнгөн үйлдвэрийн сайд
- Б.Жавхлан - Сангийн сайд
- П.Наранбаяр - Боловсролын сайд
- Б.Дэлгэрсайхан - Зам, тээврийн хөгжлийн сайд нарыг үргэлжлүүлэн ажиллуулахаар Ерөнхийлөгчтэй зөвшилцөж байна.
Үргэлжлүүлэн ажиллах сайд нарын нэрс дунд ХҮН намын дарга Т.Доржханд багтаж буй. Г.Занданшатарын Засгийн газар АН-аас бусад намтай хамтарч ажиллах болсон тул Т.Доржханд Шадар сайдын албыг хашихаар болжээ.
Харин шинээр:
- Т.Аубакир - Гэр бүл, хөдөлмөр, нийгмийн хамгааллын сайд
- Э.Бат-Амгалан - Барилга, хот байгуулалтын сайд
- Ж.Чинбүрэн - Эрүүл мэндийн сайд
- Ч.Ундрам - Соёл, спорт, аялал жуулчлалын сайд
- Б.Батбаатар - Байгаль орчин, уур амьсгалын өөрчлөлтийн сайд
- Э.Батшугар - Инновац, цахим хөгжлийн сайд
- Г.Дамдинням - Аж үйлдвэр, эрдэс баялгийн сайд
- Д.Батлут - Батлан хамгаалахын сайд
- Л.Мөнхбаатар - Хууль зүй, дотоод хэргийн сайдад томилохоор болжээ.
Ийнхүү Л.Гантөмөрийн оронд Н.Учрал Эдийн засаг, хөгжлийн сайдаар томилогдож байгаа бол С.Бямбацогт Засгийн газрын гал тогоог барихаар болж байна. Харин түүний оронд Д.Батлут Батлан хамгаалахыг салбарыг хариуцах нь. Мөн Ч.Номинг Ч.Ундрамаар сольжээ.
Харин эрх баригч намын гишүүд болох Л.Энх-Амгалан, Т.Мөнхсайхан, Ч.Номин, Б.Тулга нар "давхар дээлээ тайлсан" байна.
18:32 2025/06/17
Шинээр бүрдэж буй Засгийн газарт Үндэсний эвсэл хамтарч, тэргүүн Н.Номтойбаяр нь Шадар сайдаар томилогдоно хэмээн мэдээлсэн.
Гэвч Ерөнхий сайд чуулганы хуралдаанд Засгийн газрын бүрэлдэхүүнээ танилцуулахдаа Шадар сайдаар Н.Номтойбаярыг бус С.Амарсайханыг танилцуулав.
Ийнхүү Засгийн газарт ХҮН нам, Иргэний Зориг Ногоон Нам нэгдэж байгаа аж.
Чуулганы хуралдааны өмнө Үндэсний эвслийн тэргүүн Н.Номтойбаяр "Үндэсний эвсэл Засгийн газарт хамтрах эсэхээ нэгдсэн байдлаар шийдээгүй байна. Бүлгийн хурлын дараа Ерөнхий сайд Г.Занданшатартай уулзана. Шинээр бүрэлдэх Засгийн газрын бүтцийг харж байж хамтрах эсэх шийдвэрээ гаргана" хэмээн ярьсан юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
