"Төр хувийн хэвшилтэй өрсөлдөхгүй. Цалингаа өөрсдөө тавьдаг ЗГ-ын авто баазын статусыг өөрчилнө"
Засгийн газрын Хэрэг эрхлэх газрын дарга Н.Учрал Засгийн газрын авто бааз машинуудаа түрээсэлж буй асуудлаар дараах тайлбарыг өглөө.
Тэрбээр "Төр хувийн хэвшилтэй өрсөлдөхгүй. Улсын төсөвт үйлдвэрийн газар, аж ахуйн тооцоот үйлдвэрийн газар болон орон нутгийн өмчит үйлдвэрийн тоо нийлээд 800 гарсан.
Өнгөрсөн Засгийн газрын үед Засгийн газрын авто баазыг өөрсдөө орлогоо олоод цалингаа тавьдаг аж ахуйн тооцоот үйлдвэрийн газар болгосон. Цалингаа тавихын тулд машинаа бусдад түрээслэх асуудал үүсэж байгаа юм. Өөр хэд хэдэн ийм байгууллага байгаа. Тэдгээрийн статусыг өөрчилнө. Ирэх оны төсөв дээр суулгана. Зарим үйл ажиллагаа хувийн хэвшилд ашиггүй учраас төр заавал авч явах хэрэгтэй салбарууд байдаг.
Нэг талдаа төрдөө ажилла. Нөгөө талаараа орлого ол гэхээр буруу болоод эхэлдэг юм байна. Төрд 50 машин байгаа бол түүнийг төсвөөс санхүүжүүлээд явах хэрэгтэй. Хувийн хэвшилтэй өрсөлдөөд орлого ол гэхээр утгагүй болж байгаа юм.
Нийтийн үйлчилгээний газрыг төсвөөс санхүүжүүлнэ. Төрийн өмчит компаниуд ашиг орлоготой ажиллана" гэв.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
