Б.Эрдэнэсувд 72 дахь удаагийн "Дэлхийн Мисс" тэмцээнд эх орноо төлөөлөн оролцохоор болж, титмээ гардан авлаа

Miss World буюу Дэлхийн Мисс 72 дахь удаагийн тэмцээн Энэтхэг улсын Теленгана хотод тавдугаар сарын 7-31-ний хооронд зохион байгуулагдах гэж байна.

1951 оноос эхтэй Англи улсаас зохион байгуулдаг хүн төрөлхтний эв нэгдлийн бэлэг тэмдэг болж дайныг эсэргүүцэн энх тайвныг тунхаглан гарч ирж байсан Miss World буюу Дэлхийн Мисс тэмцээн нь сүүлийн жилүүдэд ХҮМҮҮНЛЭГИЙН ҮЙЛСЭД дэлхий нийтийг уриалж байна.

 

Miss World тэмцээн нь бусад Миссийн тэмцээнээс хүмүүнлэгийн томоохон үйл ажиллагаагаараа ялгарч, Beauty with purpose төслийн хүрээнд нэг тэрбум гаруй ам.долларыг дэлхийн өнцөг булан бүрд байгаа эрх нь зөрчигдсөн хүүхэд эмэгтэйчүүд болон өлсгөлөнд нэрвэгдсэн хүмүүст зарцуулаад байна.

Энэ жилийн Miss World тэмцээнд Монгол эх орноо төлөөлөн оролцох ҮНДЭСНИЙ ЯЛАГЧ тодорлоо. Тодруулбал МУИС -ийн Улс төр судлал, Олон улсын харилцаа, Нийтийн удирдлагын сургуулийн Улс төр судлалын 4-р курсийн оюутан, МУИС-ийн Хууль зүйн сургуулийн эрх зүйн 1-р курсийн оюутан, Б.Эрдэнэсувд Дэлхийн Миссийн Үндэсний Ялагчаар шалгарч, эх орноо төлөөлөн оролцохоор титмээ гардан авлаа. 

 

 

 

 

Дэлхийн Миссийн Финалын өдөр 150 гаруй оронд телевизийн шууд дамжуулалтаар хоёр тэрбум хүнд хүрдэг. Энэхүү том тэмцээнээр дамжуулан Монгол эх орныхоо нэрийг дуудуулна гэдэг бол Монгол Улсаа дэлхий дахины сонорт хүргэхээс гадна, байгалийн үзэсгэлэнт газрууд, хэл соёлыг видео хэлбэрээр дэлхий нийтэд үзүүлж, өнө эртний уламжилж ирсэн үндэсний хувцас, Монгол хүний ур ухаан шингэсэн дизайнерын бүтээл, дуу хөгжим, Монголын биет болон биет бус өв соёлыг дэлхийд сурталчилж байдгаараа онцлог юм.

Дэлхийн Мисс тэмцээнд өнөөг хүртэл оролцож ирсэн охид маань дараах амжилтуудыг гаргаж өв уламжлалаа сурталчилж ирлээ

2018 оны Дэлхийн Мисс тэмцээний Үндэсний ялагч Э.Энхриймаа нь Дэлхий Мисс тэмцээний үеэр улс орон бүрээс ирсэн үндэсний бэлгүүдийг дуудлага худалдаанд оруулж цугларсан мөнгийг сайн үйлсийн аянд зарцуулдаг үйл ажиллагаанд Хаш суурьтай  “АЛТАН ГЭРЭГЭ” – ээр тэргүүн дэд байр эзэлж Монголчуудын дэлхийн дипломатуудын түүхэнд оруулж чадсан хувь нэмрийг сануулан сурталчилж чадсан юм.

 

2019 оны Дэлхийн Мисс тэмцээний Үндэсний Ялагч М.Цэвэлмаагийн Монгол эх орныхоо тал нутаг, өв соёл, нүүдэлчин соёл иргэншлийн өвөрмөц онцлогийг шингээсэн видео танилцуулга нь гуравдугаар байранд орж шилдэг гурван видеоны нэгээр шалгарч байжээ. 

2021 оны Дэлхийн Мисс тэмцээний Үндэсний Ялагч А. Бөртэ-Үжин нь уран нугаралтын үзүүлбэрээр Дэлхийн Мисс тэмцээний Авьяаслаг Мисс номинацийн ЯЛАГЧ болж Монголчуудын биет бус өв соёлыг гэдгийг дэлхийд сурталчлан баталж чадсан билээ.

2023 оны Үндэсний Ялагч Б.Болор нь Үндэсний Урлагийн Их Театрын гоцлол бүжигчин бөгөөд  Авьяаслаг Мисс үзүүлбэрээр Цаст уулын охин, Гоо Уянга бүжгүүдээ дэлхийн тайзанд толилуулж Монгол хүн байгаль эх дэлхийгээ сүслэн дээдэлдгийг Монголчууд эх хүнийг, бүсгүй хүнийг тэнгэрийн дагинын энтэй дээдлэн хайрладгийг харуулахыг зорьж улмаар шилдэг 14 дүгээр байрт орсон амжилтыг гаргаж чадсан. Мөн 2023 оны Дэлхийн Мисс тэмцээний үеэр санаачлан зохион байгуулсан "Барыг аваръя" хөдөлгөөний элч төлөөлөгчөөр сонгогдон үндэсний хувцас, монгол бүсгүйн гоо төрхөө дэлхий дахинд сурталчилсан юм.