Б.Мөнхдөлгөөн: ХПВ нь умайн хүзүүн хавдраас гадна эрчүүдэд шодойн хавдар үүсгэж, үү ургацаг гарах шалтгаан болдог

Хүний Папиллома Вирус нь умайн хүзүүний хавдар үүсгэхээс гадна

• Толгой, хүзүүний хавдар
• Ам залгиур
• Хоолойн хавдар
• Үтрээ, гадна бэлэг эрхтэн
• Хошногоны амсар, шулуун гэдэс зэрэг эрхтэнд хортой болон хоргүй хавдар үүсгэдэг. Мөн биед үү ургацгууд гарах шалтгаан болно.  

ХПВ-ийн 16, 18 дугаар хэв шинж нь нийт умайн хүзүүний хавдрын 70 хувийг үүсгэдэг.

ХПВ-ийн вакцин нь Дэлхийн Эрүүл Мэндийн Байгууллага (ДЭМБ) болон Европийн Холбоогоор хүлээн зөвшөөрөгдсөн.

ДЭМБ-д хүлээн зөвшөөрөгдсөн зургаан вакцин байдгийн нэгийг нь Монгол Улсад товлолын вакцин болгон оруулж, тарьж эхэлж байгаа.

Манай улсад тарьж байгаа нь ХПВ-ийн 6, 11, 16, 18 дугаар хэв шинжийн эсрэг гардасил дөрвөн цент вакцин. 

ХПВ-ийн вакциныг дэлхийн 145 орон нэвтрүүлжээ. 

Энэ оны нэгдүгээр сарын 17-ны шинэчлэгдсэн мэдээллээр ДЭМБ-д 194 орон бүртгэлтэй байдгаас папиллома вирусийн вакцинд

• 145 орон бүрэн хамрагдсан.
• Хоёр орон хамрагдах гэж байгаа.
• 47 орон хамрагдаагүй гэсэн тоо баримт байна.

Австрали, Америк, Канад зэрэг улсын хүн ам ХПВ-ийн вакцинд бүрэн хамрагдсан. 

Монгол Улсын хэмжээнд умайн хүзүүний хавдар нь шинэ тохиолдлын тоогоор нийт хавдраас дөрөвдүгээр байранд ордог. Энэ вирусээс үүдэн эмэгтэйчүүд умайн хүзүүний хавдарт өртөх эрсдэлтэй. Гэтэл нийт хавдрын өвчлөлийн дөрөвдүгээр байранд орж явна.

Сүүлийн 10 жилийн хугацаанд манай улсад 4,000 гаруй эмэгтэй умайн хүзүүн хавдраас үүдэн амь насаа алдсан нь харамсалтай. 

ХПВ нь умайн хүзүүний хавдраас гадна

• Шулуун гэдэс
• Шодойн хавдрыг үүсгэдэг учраас эрэгтэй, эмэгтэй аль аль хүйсэнд ХПВ-ийн вакцинд хамрагдах хэрэгтэй.

Мөн хавдраас гадна хүний биед үү ургацгуудыг үүсгэдэг учраас хоёр хүйсэндээ буюу эрэгтэй, эмэгтэй аль алинд нь хийх шаардлагатай.