ЧАНАР 119
ЧАНАР 161
ЧАНАР 99
ЧАНАР 58
ЧАНАР 101
ЧАНАР 119
ЧАНАР 103
ЧАНАР 119
ЧАНАР 809
ЧАНАР 107
ЧАНАР
ЧАНАР 129
ЧАНАР 77
ЧАНАР 72
ЧАНАР 140
ЧАНАР 111
ЧАНАР 49
ЧАНАР 58
ЧАНАР 86
"11 настай хүүхдүүдийг АНУ-ын Merck үйлдвэрлэгчийн 4 цент вакцинаар дархлаажуулахаар бэлтгэл ажлыг хангаж байна"
Энэ оны сүүлээр Хүний Папиллома Вирус (ХПВ)-ийн эсрэг вакциныг нэвтрүүлэхээр бэлтгэл ажлыг хангаж байгааг Эрүүл Мэндийн Яамнаас мэдээллээ.
ХПВ-ийн эсрэг вакцин ямар хавдраас сэргийлэх вэ?
Түгээмэл тохиолддог нь умайн хүзүүн хавдар учраас нэлээд жишээ авдаг. Үүний зэрэгцээ ХПВ нь
- ам залгиур
- амьсгалын эрхтэн тогтолцоо
- шулуун гэдэс зэрэг олон эрхтэнд хорт хавдар үүсгэдэг болохыг дэлхийн олон орны хавдар судлаач, вирус судлаачид тогтоосныг Анагаах ухааны доктор Ч.Баттогтох хэлсэн билээ.
Энэ төрлийн дархлаажуулалтыг яагаад хүүхдэд хийдэг вэ?
- ХПВ нь бэлгийн замаар дамждаг учраас бэлгийн харьцаанд орохоос нь өмнө урьдчилан сэргийлж 9-14 насанд хийхийг зөвлөмж болгодог.
- Дан ганц эмэгтэйчүүд бус эрчүүд ч уг вирусийн улмаас хавдраар өвчлөх эрсдэлтэйг Анагаах ухааны доктор Б.Цэцэгсайхан хэлж байсан.
ХПВ-ийн эсрэг вакциныг нэвтрүүлэх талаар ХӨСҮТ-ийн Дархлаажуулалтын албаны дарга О.Дашпагма дараах мэдээллийг хүргэсэн юм.
Монгол улс Дархлаажуулалтын тухай хуультай. Үндэсний товлолын дагуу одоогийн байдлаар 13 халдварт өвчний эсрэг есөн төрлийн вакцинаар товын дагуу бага насны хүүхдүүдээ дархлаажуулах арга хэмжээг зохион байгуулдаг.
Үүнээс гадна Монгол улсад хийгдэж байгаа вакцинаар насанд хүрэгчид сайн дурын үндсэнд вакцинд хамрагдах бүрэн боломжтой.
Бид өнгөрсөн хугацаанд бага насны хүүхдийн өвчлөл, нас баралтын хамгийн том шалтгаан болдог хэд хэдэн халдвар үүсгэгчийн эсрэг вакцин хийснээр халдварт өвчнийг хяналтад авах, устгах түвшинд хүрсэн.
Монгол улсын Засгийн газрын үндэсний товлолд багтсан ХПВ-ийн халдварын эсрэг вакцинаар дархлаажуулах ажлыг зохион байгуулахаар бэлтгэл ажлуудаа хангаж байна.
ХПВ-ийн вакциныг дэлхийн 190 гаруй улс орны 145 нь дархлаажуулалтын хөтөлбөртөө нэвтрүүлсэн. Үүний 75 улс эрэгтэй, эмэгтэй хүйс харгалзахгүй хийж байна. Энэ нь ирээдүйд хавдраас сэргийлэх боломжийг бүрдүүлэх зорилготой.
9-14 насыг зорилтот бүлэг болгож вакцин хийж байна.
Улс орнууд тухайн хүүхдийн насыг тогтоохдоо шинжлэх ухааны судалгаа, нотолгоонд үндэслэн өөрийн орны онцлогт тохирсон насны хүүхдүүдийг сэргийлэх боломжийг бүрдүүлдэг.
Энэ хүрээнд Монгол улс 11 настай хүүхдүүдээ сэргийлэх арга хэмжээг авч вакцинаар эрт дархлаажуулах нь ирээдүйд ХПВ-ээр үүсгэгддэг шалтгаант хавдруудаас сэргийлэх боломжтой гэж үзсэн.
Бидний зорилтот наснаас хамааран дэлхийн 75 улс орон сургууль дээрх дархлаажуулалтыг зохион байгуулах стратегиар хүүхдүүдээ богино хугацаанд хамруулдаг.
Мөн улс орнууд ХПВ-ийн эсрэг вакциныг товлолт дархлаажуулалтдаа хэрэглэж, умайн хүзүүний хавдаргүй болохын тулд өндөр хамрагдалтай зохион байгуулснаар үр дүнд хүрэх боломжтой гэж үздэг.
Өвчин үүсгээд байгаа олон хэв шинжээс хамгийн аюултай хэв шинжийг багтаасан хоёр цент, дөрвөн цент, есөн цент вакциныг дэлхий дахинд хэрэглэхэд аюулгүй, баталгаатай гэж зөвшөөрчээ.
Мөн гурван үйлдвэрлэгч зөвшөөрөл авсан. Чанартай, баталгаатай, аюулгүй, үр дүнтэй вакциныг үйлдвэрлэдэг гэх баталгаажилтыг өгдөг шаардлагыг хангасан үйлдвэрлэгч нар гурав байгаа гэсэн үг.
АНУ, Бельги, БНХАУ-ын үйлдвэрлэгч нар эдгээр вакциныг дэлхийн зах зээлд гаргаад хэрэглэж байна.
Бид дархлаажуулалтдаа АНУ-ын Merck үйлдвэрлэгчийн дөрвөн цент буюу хавдар үүсгэх шалтгаан болж байгаа хэв шинжүүдийн эсрэг вакциныг хэрэглэх зорилгоор НҮБ-ын Хүүхдийн сангаар дамжуулж авсан.
НҮБ-ын Хүүхдийн сан улс орнуудаас вакцины захиалгыг авч нэгтгээд тухайн вакцин үйлдвэрлэгчид захиалгыг хүргэн үйлдвэрлэгчээс хэрэглэгч хүртэлх процессыг хийж өгдгөөр онцлог. Тиймээс вакциныг үйлдвэрлэгчээс нь шууд хяналттай хүлээн авдаг.
Энэ дагуу манай улсын Засгийн газар, ЭМЯ вакциныг хүлээн авч, одоо ХӨСҮТ-өөс аймаг орон нутгууд руу дархлаажуулах үйл ажиллагааны бэлтгэлийн хүрээнд вакцинаа түгээж байгааг ХӨСҮТ-ийн Дархлаажуулалтын албаны дарга О.Дашпагма ярилаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
