ПАРИС 2024: Олимп, паралимпад амжилт үзүүлсэн тамирчин, дасгалжуулагч нарыг МҮОХ-ны тэргүүн дээд одонгоор шагнав
"Парис 2024" олимп, паралимпад амжилт гаргасан баг тамирчдыг өнөөдөр Монголын Үндэсний Олимпын Хороо (МҮОХ)-ны тэргүүн дээд шагнал болох "Алтан од", "Алтан Очир" одонгоор шагнууллаа.
Тодруулбал олимпын мөнгөн медальт жүдоч Б.Баасанхүү, паралимпын аварга У.Сүрэнжав, ахмадын Дэлхийн Аварга Шалгаруулах Тэмцээний гурван алтан медальт Ц.Раднаа нарт "Алтан од" одонгоор шагнасан байна.
Түүнчлэн паралимпын мөнгөн медальт Г.Болор-Эрдэнэ, Ц.Баттулга болон таеквондогийн дасгалжуулагч Н.Эрдэнэбаатар, Д.Батнасан, жүдогийн дасгалжуулагч М.Бундмаа, хөнгөн атлетикийн дасгалжуулагч Д.Махашири нарыг "Алтан Очир"-оор мялаажээ.
Эх сурвалж: Монголын Үндэсний Олимпын Хороо
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
