Даамын өсвөр, залуучуудын ДАШТ-ээс гурван аварга төрлөө
Польш улсын Шклярска-Поремба хотод зохиогдож буй өсвөр, залуучуудын Дэлхийн Аварга Шалгаруулах Тэмцээн (ДАШТ)-д Монгол Улсаас улсаас 23 тамирчин таван насны ангилалд өрсөлдөж буй.
Тэмцээний үндсэн төрөл өндөрлөхөөс нэг өргийн өмнө манай гурван тамирчин алтан медаль хүртэх нь тодорхой боллоо.
Тодруулбал охидын 9 хүртэлх насанд Бавуудоржийн Оюун-Үжин (Өмнөговь аймаг, MDA), 9-10 насанд Ганбатын Дэлгэрмаа (Хөлөгт тоглоом клуб), 11-13 насанд Баатархүүгийн Тамир (Сонгодог байрлал клуб) нар аваргалах болзлоо хангасан юм.
Өнөөдөр Улаанбаатарын цагаар 16:30-д эхлэх сүүлчийн өргийн дараа нэмж медальтнууд, тэр дундаа 1-2 алтан медаль нэмэгдэх боломжтой аж.
Эх сурвалж: Нийслэлийн Даамын Холбоо
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
