Баруун аймгууд руу явдаг зорчигч тээврийн автобус өнөөдрийг дуустал Драгоноос хөдөлнө
Архангай, Баян-Өлгий, Баянхонгор, Говь-Алтай, Завхан, Өвөрхангай, Увс, Ховд зэрэг аймаг руу явдаг зорчигч тээврийн автобуснууд маргаашаас Номин авто буудлаас хөдөлнө.
Авто Тээврийн Үндэсний Төвөөс мэдээлснээр зам засварын ажилтай холбогдуулан баруун аймгуудын зорчигч тээврийн үйлчилгээг өнөөдөр буюу аравдугаар сарын 31-нийг дуустал Драгоноос гүйцэтгүүлж байгаа аж.
Сонгинохайрхан дүүргийн 20 дугаар хороо, Номин агуулахын урдах зам засварын хучилтын ажил хийгдэхтэй холбогдуулан уг чиглэлийн автобуснууд Драгон төвөөс хөдөлж байгаа юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
