О.Отгонбаатар: Байшиндаа шаазан болон труба яндан хийх нь өвлийн улиралд тохиромжгүй
Яндангийн аюулгүй байдлаа хангах нь угаартахаас сэргийлдэг байна.
Налайх дүүрэг дэх Сайжруулсан түлшний хяналтын хэлтсийн засварчин О.Отгонбаатар яндангийн аюулгүй байдлаа хангах талаар "Айлуудын байшиндаа хийчихсэн шаазан яндан хагарахаараа дундаа агаар авч дотогш утаа цохидог. Мөн тоосгон яндан шаазан яндан хоёрын залгаа дээр шавар унаж зай гарвал угаартах эрсдэлтэй.
Өвлийн улиралд шаазан болон труба яндан тохиромжгүй. Цантах, хөлдөх, хар лак гоожиж яндан битүүрэх эрсдэлтэй байдаг. Тиймээс тоосгон яндан хамгийн аюулгүй" гэж зөвлөлөө.
Нийслэлийн хэмжээнд өнгөрсөн долоо хоногт яндангийн цонолтоос шалтгаалж өвөл, зуны 16 сууцанд гал түймэр гарсан дуудлага бүртгэгджээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
