Ерөнхий боловсролын сургуулиуд аравдугаар сарын 28-наас арваннэгдүгээр сарын 2-нд "Бие даалтын долоо хоног"-ийг зохион байгуулна.
Бие даалтын долоо хоногт танхимаар хичээллэхгүй бөгөөд музей, үзвэр, спорт, урлагийн зэрэг чөлөөт арга хэмжээг сургуулиуд өөрсдөө сонгон зохион байгуулах талаар Боловсролын Ерөнхий Газраас мэдээлсэн.
Үүнтэй холбогдуулан "бие даалтын долоо хоногт багш нарт цалин тооцохгүй” гэх мэдээлэл олон нийтэд цахим сүлжээнд цацагдсан нь худал мэдээлэл болохыг Боловсролын яамнаас мэдэгдэв. Мөн тухайн долоо хоногоор багш, ажилтнууд цалингаа хэвийн тооцуулна гэдгийг мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!