Энэ сарын 18-нд хойд хэсгээр, 19-нд ихэнх нутгаар, 20-нд нутгийн зүүн хагаст хүйтэрч, хөрсөн дээр цочир хүйтэрнэ

Гэрэл зургийг MPA агентлагийн онцгой зөвшөөрөлтэйгөөр ашиглав

Цаг уур, орчны шинжилгээний газраас ирэх 10 хоногийн цаг агаарын урьдчилсан төлөвийг танилцууллаа. 

Есдүгээр сарын 18-нд газар тариалангийн бүс нутгаар нойтон цас орж, 18-нд нутгийн хойд хэсгээр, 19-нд ихэнх нутгаар, 20-нд нутгийн зүүн хагаст хүйтэрч, хөрсөн дээр цочир хүйтэрч болзошгүй байгааг онцгойлон анхааруулав. 

Хур тунадас: 

• Баруун болон төвийн нутгийн хойд хэсгээр хур тунадас орох төлөвтэй байна. 
• Есдүгээр сарын 17-нд Алтайн уулархаг нутгаар 
• Есдүгээр сарын 18-нд Баруун аймгуудын нутгийн зүүн хэсэг, төвийн аймгуудын ихэнх нутаг, зүүн аймгуудын нутгийн баруун хэсгээр 
• Есдүгээр сарын 19-нд Төвийн аймгуудын нутгийн зүүн хэсэг, зүүн аймгуудын ихэнх нутаг, говийн нутгийн зарим газраар 
• Есдүгээр сарын 20-нд Халх голын сав газраар 
• Есдүгээр сарын 21-нд Алтайн уулархаг нутгаар бороо, нойтон цас орохыг онцгойлон анхаарууллаа. 

Салхи, шуурга 

• Есдүгээр сарын 17-нд баруун болон төвийн аймгуудын нутгаар 
• Есдүгээр сарын 18-нд ихэнх нутгаар 
• Есдүгээр сарын 19-нд говь, тал, хээрийн нутгаар 
• Есдүгээр сарын 24-нд Алтайн уулархаг нутгаар, 
• Есдүгээр сарын 25-нд нутгийн зарим газраар секундэд 6-14 метр, зарим үед 16-18 метр хүрч ширүүснэ. 

Агаарын температур:

• Есдүгээр сарын 16 буюу өнөөдөр ихэнх нутгаар дулаахан байх боловч 
• Есдүгээр сарын 17-нд нутгийн баруун хойд хэсгээр 
• Есдүгээр сарын 18-нд нутгийн хойд хэсгээр 
• Есдүгээр сарын 19, 20-нд ихэнх нутгаар хүйтэрч Дархадын хотгор, Идэр, Тэс голын хөндий, Завхан голын эхээр шөнөдөө 6-11 градус хүйтэн, өдөртөө 3-8 градус дулаахан байх бол Томоохон голуудын хөндийгөөр шөнөдөө 3-8 градус хүйтэн, өдөртөө 8-13 градус дулаан байх бол говийн бүс нутгийн өмнөд хэсгээр шөнөдөө 3-8 градус, өдөртөө 12-17 градус дулаахан байна. 
• Бусад нутгаар шөнөдөө -1 градусаас, +4 градус, өдөртөө +7-12 градус байна. 

Улаанбаатар хот 

• Хур тунадас: Есдүгээр сарын 18-19-нд шилжих шөнө бороо, нойтон цас орно. Есдүгээр сарын 19,20-ны өдөр өдөртөө ялимгүй хур тунадас орно. Бусад хугацаанд хур тунадас орохгүй. 
• Салхи: Ихэнх хугацаанд секундэд 6-11 метр байна. Есдүгээр сарын 18, 24-нд салхи баруун өмнөөс хойш эргэж секундэд 12-14 метр хүрч ширүүснэ. 
• Агаарын температур: Хугацааны эхээр хүйтэрч шөнөдөө -1 градусаас +4 градус. Өдөртөө +6 градусаас +18  байна. Есдүгээр сарын 21-нээс эхлээд агаарын температур дулаарч шөнөдөө +5 градусаас +10 градус, өдөртөө +11 градусаас +16 градус байна.