"Гэрт байсан хүмүүст чичирхийлэл мэдрэгдэж, тэнгэр дуугарч байгаа юм шиг чимээ гарсан"
Өчигдөр буюу есдүгээр сарын 15-нд Баянхонгор аймагт газар хөдлөлт бүртгэгджээ.
Тус аймгийн Баянлиг сумын Баян-Араг 2 дугаар багийн Овоот шар гэдэг газарт аймгийн төвөөс урд зүгт 240 км, сумын төвөөс зүүн зүгт 54 км-т есдүгээр сарын 15-ны өдрийн 13:35:28 цагт 4,5 магнитудын хүчтэй газар хөдлөлт болсон тухай мэдээллийг ШУА-ийн Одон орон, геофизикийн хүрээлэнгээс мөн өдрийн 13:41 цагт мэдээлсэн байна.
Тус сумын Баян-Араг багийн Засаг даргаас тодруулахад тэнгэр хүчтэй дуугарч, газар чичирхийлсэн гэсэн мэдээлэл өгчээ. Овоот шар гэдэг газарт нутагладаг малчин Ч, Ц нараас тодруулахад гэрт байсан хүмүүст чичирхийлэл мэдрэгдсэн, тэнгэр дуугарч байгаа юм шиг чимээ гарсан гэсэн байна. Бэртэж гэмтсэн хүн болон учирсан хохирол байхгүйг холбогдох газруудаас мэдэгджээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
