Эрэн сурвалжлагдаж байсан этгээд саатуулагдах үедээ цагдаагийн гурван алба хаагчийг мөргөж гэмтээжээ

Гэрэл зургийг MPA агентлагийн онцгой зөвшөөрөлтэйгөөр ашиглав

Эрэн сурвалжлагдаж байсан этгээд цагдаагийн алба хаагчдыг гэмтээжээ. 

Тодруулбал, Баянзүрх, Сүхбаатар дүүргүүдийн цагдаагийн газар болон Шүүхийн шийдвэр гүйцэтгэх газраас гэмт хэрэгт сэрдэгдэн эрэн сурвалжлагдаж байсан Б-г энэ сарын 12-ны 02:00 цагийн үед Баянголд дүүргийн нутаг дэвсгэрээс олж тогтоон саатуулжээ. Энэ үед тухайн этгээд цагдаагийн албан хаагчийн шаардлагыг эсэргүүцэн Toyota Prius-20 маркийн тээврийн хэрэгсэл жолоодон зугтахдаа цагдаагийн гурван алба хаагчийг мөргөж гэмтээн, ойролцоо байсан гурван тээврийн хэрэгслийг мөргөсөн байна. 

Цагдаагийн алба хаагчид сэжигтэй этгээдийг баривчлан саатуулсан бөгөөд үргэлжлүүлэн эмнэлгийн тусламж үзүүлжээ.