ПАРИС 2024: Д.Отгонжаргал V байр эзэллээ

Чөлөөт бөхийн эмэгтэйчүүдийн 50 кг-ийн жинд хүрэл медалийн төлөө манай тамирчин Д.Отгонжаргал БНХАУ-ын Фэн Зи Читэй хүч үзлээ.

Манай тамирчин эхний даваанд Италийн Эммануэла Луиззиг, дараагийн даваанд Азербайжаны Мария Стадникийг ялаад АНУ-ын Сара Хильдебрандтад дийлдсэн билээ. Харин БНХАУ-ын тамирчин Фэн Зэ Чи эхлээд Египетийн Нада Меданиг ялсан ч америк бүсгүйд хожигдсон юм.

Хятадын тамирчин дагах тойрогт Алжирын Ибтессем Доудоуг оноогоор цэвэр ялаад хүрлийн төлөө манай тамирчныг 6:4-өөр илүүрхлээ. Эхлээд зургаан оноо дараалан алдсан манай бөх сүүлийн дөрвөн оноог авсан ч хангалтгүй байлаа. 

Энэ жинд АНУ-ын Сара Хильдебрандт Кубын тамирчин Юснейлис Гусманыг 3:0-ээр ялснаар олимпын аварга боллоо. Кубын Ю.Гусман хүрэл медалийн төлөө өрсөлдөхөөр болоод байсан ч түүнийг ялсан Энэтхэгийн Винеш Погат жингээр хасагдсан тул алтан медалийн төлөө үзэхээр болсон юм. Тиймээс дагах барилдаан хийх байсан Японы Юи Сүсаки, Украины Оксана Ливач нар хүрлийн төлөө барилдахаар болсон билээ. Японы тамирчин өрсөлдөгчөө оноогоор цэвэр ялснаар хүрэл медаль хүртэв.

 

Эмэгтэйчүүдийн 53 кг-ийн жинд өчигдөр барилдсан Б.Хулан Японы Акари Фүжинамид ялагдсан. Түүнийг ялсан япон бүсгүй шигшээд шалгарсан тул манай тамирчин дагах эрхтэй болов. Тэрбээр дагах барилдаанд АНУ-ын Доминики Пэрришийг ялбал хүрлийн төлөө БНХАУ-ын Пан Цяньюйтай хүч үзнэ.