"СЕХ маргааш хамгийн олон санал авсан нэр дэвшигчдийг УИХ-ын гишүүнээр сонгогдсонд тооцох шийдвэр гаргана"
Сонгуулийн санал хураалтын урьдчилсан дүн гараад буй. Манай сайтын УИХ-ын сонгуулийн дүнг танилцуулах хуудаснаас УИХ-ын 13 тойргийн болон нам, эвслийн авсан саналын тоон урьдчилсан мэдээг хүлээж авах боломжтой.
СЕХ-ны дарга П.Дэлгэрнаран өнөөдөр зохион байгуулсан хэвлэлийн хурлын үеэр "Саналын хуудсыг гараар тоолж дууссаны дараа буюу маргааш СЕХ-ны хуралдааныг хийнэ. Хурлаар хамгийн олон санал авсан нэр дэвшигчдийг УИХ-ын гишүүнээр сонгогдсонд тооцох шийдвэр гаргана. Уг шийдвэрийг Монгол Улсын ерөнхийлөгч болон УИХ-д өргөн барина.
Шинээр сонгогдсон гэж тооцогдсон гишүүдэд үнэмлэх гардуулж өгөх ажлыг зохион байгуулна.
УИХ-д шинээр сонгогдсон гишүүд чуулганы хуралдаанаа хийхэд бэлэн болгох ажлууд хийгдэж дуусах учиртай" гэж мэдээлэв.
Сонгуулийн урьдчилсан дүн нь СЕХ-ны шийдвэр гарч, ерөнхийлөгч, УИХ-д өргөн барьснаар албажих юм байна.
Санал хураалт дуусахад оочер үүсэхгүй байх арга хэмжээг авсан байсан тул гомдол ирээгүй гэв.
ШУУД ҮЗЭХ:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа заавал дурдах ёстойг анхаарна уу!
