Баянгол дүүргийн 3 дугаар хорооны нутаг дэвсгэр, Нарны гүүрэн гарцын хамгаалалтыг том оврын тээврийн хэрэгсэл мөргөсөн осол гарчээ.
Цагдаагийн байгууллагаас мэдээлснээр том оврын тээврийн хэрэгсэл Нарны гүүрийг шүргэлээ гэсэн дуудлага мэдээлэл өнөөдөр/2024.07.01/ бүртгэгджээ.
"Одоо шалгалтын ажиллагаа явагдаж байгаа бөгөөд ослын улмаас хүн гэмтэж бэртээгүй, өөр тээврийн хэрэгсэл өртөөгүй"-г хэллээ.
Монгол Улсын замын хөдөлгөөний дүрэмд тээврийн хэрэгслийн ачаатай болон ачаагүй дээд өндөр 4 метрээс ихгүй байна гэж заасны дагуу тээврийн хэрэгслийн ачааны өндөр 4 метр, өргөн хоёр метр, урт 20 метрээс ихгүй байх ёстой.
Замын хөдөлгөөний дүрэмд заасан хэмжээнээс өндөр, өргөн, урттай ачаа тээвэрлэх тохиолдолд ТЦА-наас зөвшөөрөл авч, таних тэмдэг тавьж, заасан маршрутаар явах шаардлагатай аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!