ГРАФИК: 07:00-10:00 цагт 55-аас дээш насныхан саналаа хамгийн их өгсөн бол 18-29 насныхан үдээс хойш сонгуульдаа идэвхтэй оролцжээ

Гэрэл зургийг MPA.mn

Улсын Их Хурал(УИХ)-ын 2024 оны сонгуулийн ирц 70 орчим хувьтай өндөрлөсөн. Зургаадугаар сарын 28-ны 07:00-22:00 цагт явагдсан санал хураалтад аль насны бүлгийнхэн хэдэн цагт саналаа түлхүү өгснийг онцолж үзлээ.

Ингэхэд 07:00-10:00 цагт нийт 254,872 хүн саналаа өгснөөс олонх буюу 33,868 нь 70 ба түүнээс дээш насныхан байна. Харин тухайн цагт хамгийн бага ирцтэй нь 20-24 насныхан байв. Тэдний ирц 12:00 цагаас хойш харьцангуй ихэсжээ. 

Мөн 35-39 насны сонгогчдын ирц 12:00-16:00 цагт болон 20:00-22:00 цагт хамгийн өндөр байлаа.

График #1: Сонгуулийн санал хураалт насны бүлэг, хугацаагаар (тойм тоо болохыг анхаарна уу!)

A Flourish data visualization

Энэ жил анх удаа төрийн сонгуульд саналаа өгсөн 18-19 настнуудын хувьд үдээс хойш идэвхтэй байжээ. Тодруулбал 12:00-16:00 цагт энэ насны залуусын 22.1 хувь нь саналаа өгч, сонгуульд оролцов. 

12:00-16:00 цагт аль ч насны бүлгийнхэн хамгийн идэвхтэйгээр саналаа өгсөн байна. Харин өглөө 07:00-10:00 цагт хамгийн идэвхтэй оролцсон нь 60-аас дээш насныхан. Эсрэгээрээ энэ цагт хамгийн бага оролцоотой байсан нь 20-24 насныхан. Тэдний 4.8 хувь нь л уг цагт саналаа өгчээ.

График #2: Насны бүлгүүдийн сонгууль өгсөн хувь хэмжээ хугацааны интервалаар

A Flourish data visualization

Дээрх графикаас харахад 55-аас дээш насныхан өглөө эрт саналаа өгөөд, түүнээс хойш ирц нь тогтмол буурч байна. Харин 18-29 насныхан үдээс хойшдоо ирц нь сайжирдаг гэж дүгнэж болохоор байна. Мөн 30-54 насныхны хувьд ирц нь аль ч цаг тогтвортой байгаа юм.

Саналаа өгсөн сонгогчдыг хүйсээр нь авч үзвэл 07:00-10:00 цагт эрэгтэйчүүд, 12:00-14:00 цагт эмэгтэйчүүдийн ирц өндөр байна. Тэгвэл 18:00-20:00 цагт аль аль хүйсийн хүмүүсийн ирц харьцангуй бага байв.

График #3: Хүйс болон хугацаагаар авч үзвэл

A Flourish data visualization