УИХ-ын 2024 оны ээлжит сонгуулийн дүнг ерөнхийлөгчид өргөн мэдүүллээ
Монгол Улсын Их Хурал (УИХ)-ын 2024 оны ээлжит сонгуулийн дүн, УИХ-ын гишүүнээр сонгогдсонд тооцсон тухай тогтоолыг Сонгуулийн Ерөнхий Хорооноос өнөөдөр ерөнхийлөгч У.Хүрэлсүхэд өргөн мэдүүллээ.
Сонгуулийн Ерөнхий Хороо (СЕХ)-ны дарга П.Дэлгэрнаран УИХ-ын 2024 оны ээлжит сонгуулийг хууль тогтоомжид нийцүүлэн зургаадугаар сарын 28-ны өдөр амжилттай зохион байгуулсан талаар Монгол Улсын ерөнхийлөгчид товч танилцуулав.
Ээлжит сонгуулийн санал хураалтын дүнд үндэслэн СЕХ зургаадугаар сарын 30-ны өдөр хуралдаж, тойрог тус бүрээр хамгийн олон санал авсан нийт 78 нэр дэвшигч болон нам, эвслийн авсан саналын дүнд үндэслэн 48 нэр дэвшигчийг УИХ-ын гишүүнээр сонгогдсонд тооцох тухай тогтоол гаргасан гэдгийг хэлсэн юм.
Эх сурвалж: Ерөнхийлөгчийн Тамгын Газар
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
