СТАТИСТИК: Тойрогт 50-аас дээш хувийн дэмжлэг авч сонгогдсон ердөө 11 нэр дэвшигч байна
2024 оны ээлжит сонгуульд урьдчилсан дүнгээр ялалт байгуулсан 126 нэр дэвшигчийг УИХ-ын гишүүнээр тооцсон тухай Сонгуулийн Ерөнхий Хорооны тогтоол батлагдаад буй.
УИХ-ын сонгуулийн 13 тойрогт 969 нэр дэвшигч өрсөлдсөнөөс ердөө 11 хүн 50-аас дээш хувийн дэмжлэг авч, сонгогдсон байна.
Энэ удаагийн сонгуульд хоёрдугаар тойрогт/Говь-Алтай, Завхан, Ховд, Увс/ нэр дэвшигч С.Бямбацогт хамгийн их буюу 79,826 саналаар сонгогдсон бол мөн тойргийн нэр дэвшигч О.Цогтгэрэл 75,927 саналаар аман хүзүүджээ.
Хүснэгт 1: Тойрогт 50-аас дээш хувийн дэмжлэгээр сонгогдсон нэр дэвшигчид
| Овог | Нэр | Нам | Хүйс | Санал | Хувь |
|---|---|---|---|---|---|
| Сандагийн | БЯМБАЦОГТ | МАН | Эрэгтэй | 79,826 | 56.6 |
| Лувсаннамсрайн | ОЮУН-ЭРДЭНЭ | МАН | Эрэгтэй | 55,469 | 56.4 |
| Хажекберийн | ЖАНГАБЫЛ | МАН | Эрэгтэй | 25,138 | 54.4 |
| Одонгийн | ЦОГТГЭРЭЛ | АН | Эрэгтэй | 75,927 | 53.8 |
| Ням-Осорын | УЧРАЛ | МАН | Эрэгтэй | 67,107 | 53.1 |
| Дашзэгвийн | АМАРБАЯСГАЛАН | МАН | Эрэгтэй | 74,199 | 52.6 |
| Бөхчулууны | ПҮРЭВДОРЖ | АН | Эрэгтэй | 74,152 | 52.6 |
| Сайнбуяны | АМАРСАЙХАН | МАН | Эрэгтэй | 16,539 | 52.5 |
| Оюунсайханы | АЛТАНГЭРЭЛ | АН | Эрэгтэй | 66,656 | 52.2 |
| Баттогтохын | ЧОЙЖИЛСҮРЭН | МАН | Эрэгтэй | 73,280 | 52.0 |
| Тилеуханы | АУБАКИР | МАН | Эрэгтэй | 23,772 | 51.5 |
Нэр дэвшигчдийг иргэдийн саналын хувиар бүлэглэн авч үзвэл 5%-аас бага дэмжлэг авсан 715 (73%) нэр дэвшигч байна.
Хүснэгт 2: Нэр дэвшигчдийг дэмжлэгийн хувиар бүлэглэн авч үзвэл
| Сонгогчдын дэмжлэг | Нэр дэвшигчид |
|---|---|
| 40-50% | 47 |
| 30%-40% | 62 |
| 20%-30% | 34 |
| 10%-20% | 35 |
| 5%-10% | 65 |
| 0%-5% | 715 |
Харин хамгийн цөөн хүний саналаар сонгогдсон нэр дэвшигчдийн хувьд УИХ-ын 13 дугаар тойрогт /Багануур, Багахангай, Налайх/ нэр дэвшсэн Ц.Сандаг-Очир 12,347, тус тойргоос нэр дэвшигч С.Амарсайхан 16,539 нарын 10 хүн байна.
Хүснэгт 3: Тойрогт хамгийн цөөн саналаар сонгогдсон нэр дэвшигчид
| Овог | Нэр | Нам | Саналын тоо | Хувь |
|---|---|---|---|---|
| Цэндийн | САНДАГ-ОЧИР | Монгол Ардын нам | 12,347 | 39.2 |
| Сайнбуяны | АМАРСАЙХАН | Монгол Ардын нам | 16,539 | 52.5 |
| Буланы | БЕЙСЕН | Ардчилсан нам | 21,454 | 46.4 |
| Тилеуханы | АУБАКИР | Монгол Ардын нам | 23,772 | 51.4 |
| Хажекберийн | ЖАНГАБЫЛ | Монгол Ардын нам | 25,138 | 54.4 |
| Жамбалын | ГАНБААТАР | Монгол Ардын нам | 28,414 | 27.2 |
| Хөххүүгийн | БОЛОРМАА | Ардчилсан нам | 32,279 | 25.5 |
| Дамдины | ЦОГТБААТАР | Монгол Ардын нам | 32,907 | 26 |
| Нацагдоржийн | БАТСҮМБЭРЭЛ | Монгол Ардын нам | 34,261 | 27.1 |
| Гомбын | ГАНБААТАР | Ардчилсан нам | 35,629 | 39.6 |
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
