УИХ-ын гишүүд асуулт асууж, үг хэлж дууссаны дараа Үндэсний баялгийн сангийн тухай хуулийн төслийг хэлэлцэх эсэхэд санал хураалт явуулж олонх нь дэмжсэнээр анхны хэлэлцүүлэгт бэлтгүүлэхээр Эдийн засгийн байнгын хороонд шилжүүлэв. 

Тус хуулийн төсөл нь нийт таван бүлэг, 16 зүйлээс бүрдэх бөгөөд Үндэсний баялгийн санд Ирээдүйн өв сан, Хуримтлалын сан, Хөгжлийн сан багтах юм. Мөн доорх үр нөлөөг үзүүлэх аж. Үүнд:

• Хөгжлийн сангаар дамжуулан хөгжлийн төсөл, хөтөлбөрийг санхүүжүүлснээр үр өгөөжийг одоо ба ирээдүй үеийн иргэн бүр тэгш хүртэх боломж бүрдэнэ.
• Хуримтлалын сангаар дамжуулан одоо үеийн иргэн бүрийн эрүүл мэнд, боловсрол, орон сууцны суурь хэрэгцээг хангах хөтөлбөрүүд хэрэгжүүлснээр иргэний эрүүл, аюулгүй орчинд амьдрах эрхийг нь баталгаажуулах нөхцөлийг бүрдүүлнэ.
• Ирээдүйн өв сангаар дамжуулан ирээдүй үеийн иргэн бүрд тэгш хүртэх хуримтлалыг бий болгоно. Ирээдүйн өв сангийн хуримтлалын зарим хэсгийг өндөр өгөөжтэй, эрсдэл багатай гадаад санхүүгийн хэрэгсэлд хөрөнгө оруулалт хийх, хөрөнгийн зах зээлээс өгөөж хүртэж, санг арвижуулах боломжийг бүрдүүлнэ хэмээн хуулийн төсөлд тусгажээ. 

Эдийн засгийн байнгын хорооны хуралдаан дууссанаар Үндэсний баялгийн сангийн тухай хуулийн төсөл болон хамт өргөн мэдүүлсэн хуулийн төслийг УИХ-аар хэлэлцэж эхэллээ. 

ШУУД ҮЗЭХ:

Үнэт цаасны зах зээлийн тухай хуульд нэмэлт, өөрчлөлт оруулах тухай хуулийн төслийн эцсийн найруулгыг УИХ-ын гишүүдийн олонх дэмжлээ. Ингэснээр эцэслэн батлах бэлтгэлт хангуулахаар холбогдох байнгын хороонд шилжүүлэв. 

Тус хуулийн төсөлд ямар нэмэлт, өөрчлөлт орж байгаа талаар ЭНД дарж унших боломжтой. 

Үргэлжлүүлэн өчигдөр Ерөнхий сайдын өргөн барьсан Үндэсний баялгийн сангийн тухай хуулийн төсөл болон уг хуулийн төсөлтэй холбогдуулан боловсруулсан бусад хууль тогтоомжийн төслийг хэлэлцэхээр түр завсарлав.

Одоогоор Эдийн засгийн байнгын хороо тус хуулийн төслийг хэлэлцэх эсэхийг шийдвэрлэхээр хуралдаж байгаа аж. 

ШУУД ҮЗЭХ: