• 2 сарын 5, Лхагва
|
Уншиж байна ...
ХУУЧИРСАН МЭДЭЭ: 2023/11/26-НД НИЙТЛЭГДСЭН

"IHC esports" баг PUBGM тоглоомын ДАШТ-ий "Grand final"-д тоглох эрхээ "Last chance" шатнаас авлаа

Н.Эрхбаяр, iKon.mn
2023 оны 11 сарын 26
iKon.MN
Зураг зураг

PUBGM тоглоомын Дэлхийн Аварга Шалгаруулах Тэмцээн (ДАШТ)-ий лигийн шатны тоглолтууд өнөөдөр Малайз улсад боллоо. 

Манай улсын "IHC esports" баг "Last chance" шатанд өрсөлдөж 85 оноотойгоор дөрөвдүгээр байрт бичигдсэнээр дэлхийн аваргын "Grand final"-д тоглох эрхээ авав. Сүүлийн тоглолтод 23 оноо авсан шийдвэрлэх мөч байлаа.

"IHC esports" баг тус шатны 11 тоглолтын байдлаар дэлхийн аваргын төлөөх байрнаас 11 оноо дутуу байсан. Гэхдээ эцсийн мөчид багаараа амжилттай тоглосноор 13 "kill"-тэй "winner winner chicken dinner"-ийг авсан юм. Мөн "IHC esports" багийн тоглогч "Demo" буюу Б.Батбагана нийт 22 kill хийснээр бусад багийн тоглогчдыг тэргүүлэв.

Ингэснээр 1.4 сая ам.долларын шагналын сантай зохион байгуулагдах PUBGM тоглоомын энэ жилийн ДАШТ-ий "Grand final"-д манай улсаас "4Merical vibes", "Stalwart esports" "IHC esports"  гэсэн гурван баг оролцохоор боллоо.

PUBGM тоглоомын дэлхийн аваргын лигийн шатны улаан, ногоон, шар гэсэн гурван хэсгийн 4-11 дүгээр байрт шалгарсан 24 баг "Survival Stage"-д тоглож 16 нь "Last chance" шатыг зорьдог. "Last chance" шатнаас эхний таван баг нь "Grand final"-д тоглох эрхээ авсан юм.