Хүн гэрт орж ирээд зодоон болоод байна гэх дуудлагын дагуу иргэн “Г”-ийн гэмтлийн зэргийг тогтоолгохоор шинжээч томилжээ

Гэрэл зургийг MPA агентлагийн онцгой зөвшөөрөлтэйгөөр ашиглав

Цагдаагийн байгууллагад 2023 оны есдүгээр сарын 11-ний өдрийн 09:34 цагт Хан-Уул дүүргийн дугаар хорооны нутаг дэвсгэрт байрлах хотхоны тоотод “Хүн орж ирээд зодоон болоод байна” гэх дуудлага, мэдээлэл бүртгэгджээ.

Хан-Уул дүүргийн цагдаагийн газрын нэгдүгээр хэлтсээс шалгаж, иргэн “Г”-ийн биед иргэн “И” гэгч халдсан үйлдэлд мөрдөн шалгах ажиллагаа явуулж эхэлсэн байна.

Тодруулбал иргэн “Г”-г хохирогчоор тогтоон гэмтлийг тогтоолгохоор Шүүх шинжилгээний ерөнхий газарт шинжээч томилж, мөрдөн шалгах ажиллагааг үргэлжлүүлж байгааг ЦЕГ-ын ХМТ-өөс мэдээллээ.