ХУУЧИРСАН МЭДЭЭ: 2023/05/24-НД НИЙТЛЭГДСЭН
Гадаад харилцааны сайд Саудын Арабын Хаант Улсад айлчилна
iKon.MN
Гадаад харилцааны сайд Б.Батцэцэг 2023 оны тавдугаар сарын 24-26-ны өдрүүдэд Саудын Арабын Хаант Улсын Гадаад хэргийн сайд Ханхүү Файсал бин Фархан Аль-Сауд-ын урилгаар тус улсад албан ёсны айлчлал хийнэ.
Айлчлалын хүрээнд Гадаад хэргийн сайд Ханхүү Файсал бин Фархан Аль-Сауд болон албаны бусад хүмүүстэй уулзаж, харилцаа, хамтын ажиллагааны асуудлуудаар санал солилцоно.
Монгол Улс Саудын Арабын Хаант Улстай 2007 онд дипломат харилцаа тогтоосон байна. УИХ-ын дарга М.Энхболд, Гадаад харилцааны сайд Л.Болд нар тус улсад албан ёсоор айлчилж байжээ.
Эх сурвалж: ГХЯ
