Дөрөвдүгээр сард болох хүчит бөхийн барилдааны ХУВААРЬ

Гэрэл зургийг MPA агентлагийн онцгой зөвшөөрөлтэйгөөр ашиглав

Монголын Үндэсний бөхийн холбооноос энэ сард Монгол бөхийн өргөөнд зохион байгуулах хүчит бөхийн барилдааны хуваарийг гаргажээ.

1. Дөрөвдүгээр сарын 3-6-нд 20:00 цагт МҮБХ-ны “Үндэсний Алтан цом”-ын төлөөх дөрөвдүгээр тойргийн барилдаан болно. 
2. Дөрөвдүгээр сарын 7-нд 12:00 цагт Ардчиллын баярт зориулсан улс аймгийн алдар цолтой 256 бөхийн барилдаан,
3. Дөрөвдүгээр сарын 8-нд 12:00 цагт Архангай аймгийн 100 жилийн ойд зориулсан Архангай нутгаас төрөн гарсан таван аваргад хүндэтгэл үзүүлэх улс, аймгийн алдар цолтой 256 бөхийн барилдаан,
4. Дөрөвдүгээр сарын 9-14-нд 20:00 цагт МҮБХ-ны “Үндэсний Алтан цом”-ын төлөөх барилдааны тав, зургаадугаар тойргийн барилдаанууд,
5. Дөрөвдүгээр сарын 15-нд 12:00 цагт Хөвсгөл аймгийн Цэцэрлэг сумын заан Базарын Доржийн нэрэмжит сумын цолтон болон залуу бөхчүүдийн барилдаан,
6. Дөрөвдүгээр сарын 22-нд 12:00 цагт Сүхбаатар аймгийн Мөнххаан сумын 100 жилийн ойд зориулсан Улс, аймгийн алдар цолтой болон залуу 256 бөхийн барилдаан,
7. Дөрөвдүгээр сарын 23-нд 12:00 цагт МҮОНРТ-ийн “Өв түгээ” төслийн барилдаан,
8. Дөрөвдүгээр сарын 29-нд 12:00 цагт Монгол Улсад шинжлэх ухааны мал эмнэлэг үүсэн байгуулагдсаны 100 жилийн ойд зориулсан Улс, аймгийн алдар цолтой 256 бөхийн барилдаан,
9. Дөрөвдүгээр сарын 30-нд 12:00 цагт Баянхонгор аймгийн Баян-Өндөр, Бөмбөгөр, Галуут, Хүрээмарал, Эрдэнэцогт сумын 100 жилийн ойд зориулсан улс, аймгийн алдар цолтой 256 бөхийн барилдаан болно.

Эх сурвалж: Монголын Үндэсний бөхийн холбоо