Г.Билгүүн: Монгол залуус халтирдаг чулуун хавтанг барзгар болгох төхөөрөмжийг зохион бүтээж, туршиж байгаа

2021 онд Улаанбаатар хотын Захирагчийн ажлын албанаас явган хүний чулуун замын тооллого хийжээ.

Энэ талаар дугуйн ба явган замын тохижилтын хэлтсийн дарга Г.Билгүүн "Улаанбаатар хотын хэмжээнд байдлаар 67,000 орчим ам метр чулуун талбай бий. Үүнээс 20-30% нь халтирдаг чулуун талбай байгаа. Үлдсэн хэсэг нь зориулалтын, халтирдаггүй хавтан.

Халтирдаг хавтантай талбайн асуудлыг хэрхэн шийдвэрлэх талаар зохион бүтээгч, дотоодын байгууллагуудтай хамтран тоног төхөөрөмжүүдийг туршиж үзэж байна. Эдгээр халтирдаг хавтанг хуулаад, шинээр солих төсөв мөнгө улсад байхгүй. Тиймээс технологийн шийдлээр шийдвэрлэхээр ажиллаж байгаа юм.

Манай залуус халтирдаг чулуун хавтанг барзгар/matte/, халтирдаггүй болгохын тулд галаар шарах төхөөрөмжийг хийж байгаа. Уг төхөөрөмжөө халтирдаг чулуун хавтан дээрээ түрж яваад барзгар болгох шийдэл юм. Энэ нь гаднын улс оронд хийгдчихсэн бөгөөд үнэтэй байдаг.

Монгол залуусын хийсэн төхөөрөмж амжилттай туршигдвал,  худалдан авалтыг Хотын Захирагчийн ажлын албанаас хийгээд явах байх" хэмээн мэдээллээ.