"Эрүүл бүс байгуулах тогтоолын дагуу Монголд мах, махан бүтээгдэхүүний үйлдвэр байгуулах боломжтой"
Эрүүл бүс байгуулах тогтоолын дагуу Монголд мах, махан бүтээгдэхүүний үйлдвэр байгуулах боломжтойг Унгар Улсаас Монгол Улсад суугаа Онц бөгөөд Бүрэн Эрхт Элчин сайд Борбала Анна Обрущанский хэллээ.
Мөн “Хүнсний хангамж, аюулгүй байдлын талаар авах зарим арга хэмжээний тухай” УИХ-ын 36 дугаар тогтоолын хүрээнд дараах төслүүдэд хамтран ажиллах боломжтой аж.
Үүнд:
- Хүнсний ногоо, төмс болон бусад төрлийн хүнсний бүтээгдэхүүн хадгалах, борлуулах цогцолбор төв байгуулах;
- Хүнсний ногооны өвлийн хүлэмжийн төсөл;
- Мал эмнэлгийн хорио цээрийн дэглэм бүхий эрүүл бүс байгуулах тогтоолын дагуу тус бүсэд олон улсын стандартыг хангасан мах, махан бүтээгдэхүүний үйлдвэр байгуулж болохоор байна.
Түүнчлэн Унгар улсын Засгийн газар манай улсын 200 оюутныг жил бүр бакалавр, магистр, докторын тэтгэлэгт хөтөлбөрт хамруулдаг. Манай улс албан хүсэлт хүргүүлж хөдөө аж ахуйн салбараар тэтгэлэгт хамрагдан суралцах оюутны тоог нэмэгдүүлэх боломж байгаа аж.
Монгол Улс дотооддоо хүнсээ бүрэн үйлдвэрлэгч орон болж хөгжихөд технологи, мэргэжил арга зүйн туслалцаа үзүүлэх боломжтойг Элчин сайд, ХХААХҮ-ийн сайд Х.Болорчулуунтай уулзах үеэрээ мэдэгджээ.
