Б.Намуун: Бидний гэр бүл Хөгжлийн Банкны зээлд холбоогүй
Хөгжлийн Банкны зээлийн асуудлаар хоёр дахь сонсгол ирэх сарын 6, 7, 8-ны өдрүүдэд болно. Энэхүү сонсголд 43 гэрчийг дуудна. Үүний дотор “Түмэн хишигтэн” ХХК-ийн хувьцаа эзэмшигч Баттулгын Хүлэгт, Баттулгын Намуун, Баттулгын Номин нар байна хэмээн Түр хорооны дарга, УИХ-ын гишүүн Б.Энхбаяр өчигдөр мэдээлсэн билээ.
Харин Ерөнхийлөгч асан Х.Баттулгын охин Б.Намуун уг асуудлаар мэдэгдэл гаргажээ.
Тэрбээр "Бидний гэр бүл, үр хүүхэд болон хамаарал бүхий компани Хөгжлийн Банкнаас зээл аваагүй. Нэр хүндэд халдсан тохиолдолд бид шүүхэд хандаж нэр хүндээ сэргээлгэнэ" гэв.
Хоёр дахь удаагийн сонсголоор 2012-2016 оны үед Хөгжлийн Банкнаас улсын төсөвт суулгаж эргэн төлөгдөх нөхцөлтэйгөөр санхүүжүүлсэн 350 орчим төсөл арга хэмжээний үр дүнг ярилцах юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
