Уншиж байна ...
Зураг
Зураг
ХУУЧИРСАН МЭДЭЭ: 2023/01/27-НД НИЙТЛЭГДСЭН

Фулбрайтын Оюутны тэтгэлэгт хөтөлбөрийн бүртгэл эхэллээ

Г.Мөрөн, iKon.mn
2023 оны 1 сарын 27
iKon.MN
Зураг зураг

2024-2025 оны Фулбрайтын Оюутны тэтгэлэгт хөтөлбөрийн бүртгэл эхэлснийг АНУ-аас Монгол Улсад суугаа Элчин сайдын яамнаас мэдээлэв.

АНУ-ын Төрийн департаментын Боловсрол, соёлын товчоо, Монгол Улсын Засгийн газрын санхүүжилттэй Фулбрайтын Оюутны хөтөлбөр нь залуу мэргэжилтнүүдэд АНУ-д магистрын зэрэг эзэмших боломжийг олгодог бүрэн тэтгэлэгт хөтөлбөр юм.

Цахим өргөдөл хүлээн авах хугацаа 2023 оны дөрөвдүгээр сарын 24-ний Улаанбаатарын цагаар өглөөний 8:00 цаг хүртэл үргэлжилнэ.

Энэхүү хөтөлбөр нь дэлхийн 160 гаруй оронд хэрэгжиж жил бүр 4,000 орчим гадаад оюутанд тэтгэлэг олгодог.

Фулбрайтын Оюутны хөтөлбөр нь нийгмийн ухаан, хүмүүнлэг, инженер, эдийн засаг, бизнесийн судалгаа, төрийн болон төрийн албаны судалгаа зэрэг бүх чиглэлээр зарлагддаг ч доорх чиглэлээр суралцах иргэдийг түлхүү дэмжинэ:

  • Өгөгдөл шинжлэх ухаан
  • Хиймэл оюун ухаан
  • Хүрээлэн буй орчныг хамгаалах технологи
  • Газрын тосны инженер
  • Уул уурхайн технологи
  • Боловсрол (Сургуулийн өмнөх боловсрол, тусгай хэрэгцээт боловсрол)
  • Хөдөө аж ахуйн судалгаа

Хөтөлбөрт хамрагдагчдад тавигдах үндсэн шалгуур:

  • Монгол Улсын иргэн бөгөөд Монгол Улсад оршин сууж байх;
  • 1.5 болон түүнээс дээш жилийн бүтэн цагаар ажилласан ажлын туршлагатай байх;
  • Дээд боловсролтой байх (бакалаврын эсвэл дүйх зэрэг);
  • Англи хэлний чадвар сайтай байж, мэргэжлийн чиглэлээсээ хамааран TOEFL IBT, TOEFL PBT/ITP эсвэл дүйх IELTS оноотой байх;
  • АНУ-д өмнө нь ямар нэг байдлаар зорчиж байгаагүй буюу цөөн удаа зорчсон оролцогчид давуу талтай. АНУ-ын ногоон карт эзэмшигч монголчууд өргөдөл гаргах эрхгүй болохыг анхаарна уу.

 

Дэлгэрэнгүй мэдээллийг энд дарж авна уу.