“FT group”, “Familymart”, “Wayfair” программ ашиглан иргэдээс $60-$20,000 залилсан хэргийг шалгаж байгааг мэдээлэв
"FT group", "Familymart", "Wayfair" гэх хэрэглээний программ ашиглан олон улсын арилжааны биржээр дамжуулан иргэдээс 60-20,000 ам.доллар залилсан хэргийг шалгаж байгааг ЦЕГ-ын Мөрдөн байцаах албаны Кибер гэмт хэрэгтэй тэмцэх хэлтсийн дарга, цагдаагийн хошууч Ж.Билгүүтэй мэдээлэв.
Тодруулбал, тухайн аппликэйшнийг нэг жилийн хугацаанд ашиглан сурталчилгаа түгээж, элссэн үнийн дүнгээс хамаарч өдөрт 2-50 ам.долларын урамшууллыг олгоно гэж залилсан байж болзошгүй аж.
Иргэд өөрсдийн болон бусдын орон сууц, тээврийн хэрэгслийг зарж, барьцаалах, мөн хадгаламжаа барьцаалж зээл авсан, хамаарал бүхий хүмүүсээ элсүүлж, эмчилгээнд хадгалсан мөнгө зэргээ залилуулсан нь тогтоогдсон.
"FT group" аппликэйшн нь манай улсын иргэдэд зориулан Монгол хэлний тайлбартайгаар цэс нээж, онлайн худалдааны сайт руу хандан даалгавар биелүүлэн урамшуулал авах замаар үйл ажиллагаа явуулдаг байжээ.
Дээрх залилах гэмт хэрэг нь 2022 оны арваннэгдүгээр сард Монгол Улсад үйл ажиллагаагаа эхлүүлсэн бөгөөд энэ оны нэгдүгээр сарын 24-ний өдөр хаагдсан байна.
Иймд иргэд та бүхэн дээрх залилах үйл ажиллагаатай холбоотойгоор таны хохирлыг төлж барагдуулна, хохиролгүй болгож өгнө гэх мэтчилэн хэн нэгний худал үгэнд итгэж, мөнгө шилжүүлэхгүй байж, хохирсон иргэд цагдаагийн байгууллагад хандана уу.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
32 СЭТГЭГДЭЛТЭЙ
|
