Баянголын аманд 1,764 айлын орон сууц барина
"Нийслэлийн төв цэгээс 17.4 км-ийн зайд орон сууц барих бөгөөд цэвэр, бохир ус, цахилгаан, дулааны шугамыг 2007-2013 онд улсын төсвийн хөрөнгө оруулалтаар Барилга, хот байгуулалтын яамны захиалгаар хийсэн.
Орлогод нийцсэн орон сууц барих төсөлд “Сайхан төмөрт” ХХК шалгарч, сонгогдсон талбарт өөрийн хөрөнгөөр орон сууц, үйлчилгээний зориулалт бүхий 28 блок нийт 1,764 айлын орон сууц, 320 хүүхдийн сургууль, 150 хүүхдийн цэцэрлэг, үйлчилгээний төвийн зургаан барилга барих санал ирүүлжээ.
Төсөл 2023-2028 онд хэрэгжинэ" хэмээн НОСК ХК-ийн гүйцэтгэх захирал М.Говьсайхан танилцуулав.
Нийслэлийн Засаг даргын Зөвлөлийн хурлаас “Сайхан төмөрт” ХХК-тай “Хөрөнгө оруулалт хийж, хамтран ажиллах” гэрээг байгуулж, төслийг хэрэгжүүлэх эрхийг НОСК-д олгосон байна.
