Дарханы замын тендертэй холбоотойгоор ЗТХЯ болон холбогдох албан тушаалтнуудын орон байр зэрэг 30 гаруй объектод нэгжлэг хийжээ
Авлигатай тэмцэх газраас Дарханы замын тендер сонгон шалгаруулалттай холбоотой асуудлаар Зам, тээврийн хөгжлийн яамны нэр бүхий албан тушаалтнуудыг шалгаж эхэлжээ. Энэ талаар тус газраас дараах мэдээллийг өглөө.
АТГ-ын хэвлэлийн төлөөлөгч Н.Тэмүүлэн “АТГ хуулиар хүлээсэн чиг үүргийнхээ хүрээнд Дарханы замын тендер сонгон шалгаруулалтын асуудалд хэрэг бүртгэлтийн хэрэг нээн, холбогдох албан тушаалтнуудыг шалгаж эхлээд байна.
Энэ хүрээнд өнөөдөр ЗТХЯ болон холбогдох албан тушаалтнуудын орон байр зэрэг нийт 30 гаруй объектод нэгжлэг хийлээ.
Одоогоор шалгаж байгаа албан тушаалтнуудыг тоо болон нэр, албан тушаалыг хэлэх боломжгүй байна.
Тендерийн сонгон шалгаруулалттай холбоотой бүх албан тушаалтнуудыг шалгаж байгаа” гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
30 СЭТГЭГДЭЛТЭЙ
|
