ЧАНАР 57
ЧАНАР 192
ЧАНАР 164
ЧАНАР
ЧАНАР 40
ЧАНАР 68
ЧАНАР 51
ЧАНАР 94
ЧАНАР 50
ЧАНАР 93
ЧАНАР 201
ЧАНАР 82
ЧАНАР 124
ЧАНАР 190
ЧАНАР 147
ЧАНАР 31
ЧАНАР 88
ЧАНАР 115
ЧАНАР 117
Дархан аварга Хорлоогийн Баянмөнх 80 насныхаа босгон дээр зодог тайллаа
Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн Үндэсний их баяр наадмын хүчит бөхийн барилдааны үеэр Монгол Улсын Үндэсний бөхийн Даяар дуурсагдах далай даян дархан аварга Хорлоогийн Баянмөнх зодог тайлж, есөн хөлт тугандаа мөргөлөө.
Үндэсний бөхөөс гадна чөлөөт бөхийн 1971, 1974 оны ДАШТ-ий мөнгө, 1975 оны алтан медаль, 1972 оны зуны олимпын мөнгөн медальт тамирчин бөгөөд Монгол Улсын 14 удаагийн аварга юм.
Ийнхүү зүлэг ногоон дэвжээгээ орхин зодог тайлж байгаа Х.Баянмөнх аваргад түүний эхнэр, Монгол Улсын Гавьяат багш Н.Дэжимбээ, хүү Б.Гантогтох болон зээ хүү С.Хангай тэргүүтэй ач, зээ нар нь хүндэтгэл үзүүллээ.
Домогт их аварга Х.Баянмөнх өөрийн ид хаваа гайхуулж асан цагтаа өмсөж байсан зодог, шуудгаа ач зээ нартаа гардуулсан юм.
Тэрбээр "Зүлэг ногоон талбайдаа зодог шуудгаа өмсөж, хүчээ үзэж чадахгүй болсондоо хөнгөн мэдрэмж төрж байна. Гэхдээ би өөртөө хатуу санамж үг хэлж байгаа. Энэ ногоон дэвжээн дээр 68 жил хүчээ үзлээ, дэлхийд барилдлаа, Монгол эх орныхоо нэрийг мандууллаа, олон шавь бэлдлээ, одоо болоо юм биш үү гэж өөртөө хэлж байгаа.
Цаашид миний Монголын ард түмэн зөв сайхан сэтгэлтэйгээр Монголын өвөг дээдсийн үлдээсэн энэ их соёлыг чансаатай авч явах байх гэж найдаж байна. Олон түмэн минь эрүүл энх байгаарай, сэтгэл санаа сайхан байгаарай, бусдын сайн сайханд баярлаж яваарай. Санааныхаа зоргоор амьдардаг хорвоо учраас сайхан зүйл бодож яваарай, өнөд мөнх үргэлж цэнгэлтэй, баярлаж яваарай гэж ерөөе" гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
