ШҮДЛЭН: "Шунхлай" группийн ерөнхийлөгч П.Батсайханы тогоруу зээрд халзан түрүүллээ

Гэрэл зургийг MPA агентлагийн онцгой зөвшөөрөлтэйгөөр ашиглав

Төрийн их баяр наадмын хурдан шүдлэн насны морины уралдаанд нийт 412 шүдлэн бүртгүүлснээс 233 нь сэрвээний өндрийн стандартыг хангаж гарааны зурхай руу хөдөлсөн юм. 

Хурдан морины салбар хорооноос шүдлэн насны морьдын уралдааны дүнг танилцууллаа.

Түрүү магнайд Өвөрхангай аймгийн Хужирт сум, "Шунхлай" группийн ерөнхийлөгч П.Батсайханы тогоруу зээрд халзан орж ирлээ. Хурдан хүлгийг 800 дугаартай, 12 настай Ц.Пүрэвбаатар унажээ.

 

Гэрэл зургийг MPA агентлагийн онцгой зөвшөөрөлтэйгөөр ашиглав

Аман хүзүүд Улаанбаатар хотын Баянгол дүүргийн Д.ПБатбаярын хул орж ирснийг 525 дугаартай, 8 настай Б.Баттөр уналаа.

 

Гэрэл зургийг MPA агентлагийн онцгой зөвшөөрөлтэйгөөр ашиглав

Айргийн гуравт Төв аймгийн Зуунмод сумын С.Батдоржийн халтар орж ирсэн ба 165 дугаартай, 11 настай П.Чингүүн унаж хурдлуулав. 

 

Гэрэл зургийг MPA агентлагийн онцгой зөвшөөрөлтэйгөөр ашиглав

Айргийн дөрөвт Дорнод аймгийн Хэрлэн сумын С.Галтын хонгор халзан давхилаа. Хурдан хүлгийг 963 дугаартай, 12 настай Ц.Улаанхүү унажээ. 

Айргийн тавд Завхан аймгийн Цагаанчулуут сумын харьяат Б.Баярдоржийн хээр хурдалж, 99 дугаартай, 11 настай Б.Баттулга унажээ.