"Нэлээд эрсдэл өндөртэй томуугийн H3N2 вирус хоёр долоо хоногийн өмнөөс орчилд орсон"
Манай улсад арванхоёрдугаар сарын сүүл, нэгдүгээр сард томуугийн оргил үе тохиодог. Тэгвэл одоогийн байдлаар томуугийн халдвар ямар хэмжээнд байгаа талаарх мэдээллийг ХӨСҮТ-ийн захирал Ц.Билэгтсайхан мэдээлэл өглөө.
Тэрбээр "Улсын хэмжээнд томуугийн цар тахлын эрсдэлийн үнэлгээгээр "Идэвхжлийн түвшинд" байна. Амбулаторийн 10,000 үзлэг тутамд 20-оос дээш тохиолдол илэрч байвал үүнийг "Идэвхжлийн түвшинд" гэж үнэлдэг.
"Улирал хоорондын түвшинд" байгаа таван аймаг, "Идэвхжлийн түвшинд" хүрсэн 10 аймаг, "Алаг цоог дэгдэлтийн түвшинд" байгаа хоёр аймаг /Говь-Алтай, Хэнтий/ байна.
Томуу, томуу төст өвчний вирус ихэвчлэн 0-11 насны хүүхдүүдийг өвчлүүлдэг бөгөөд амьсгалын дээд замын халдварын шинжүүдээр илэрдэг.
Одоогийн байдлаар Риновирус, Аденовирус, Бокавирус, Иж томуугийн вирус, мөн улирлын томуу үүсгэдэг коронавирус томуу төст өвчнийг үүсгэж байгаа бол томуу үүсгэгч нэлээд эрсдэл өндөртэй H3N2 вирус хоёр долоо хоногийн өмнөөс орчилд орсон" хэмээн ярилаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
9 СЭТГЭГДЭЛТЭЙ
|
