Твиттерын шинэ "BLOCK" эсэргүүцэлтэй тулгарч буцаагдлаа

Твиттер компани үйлчилгээнийхээ нэг чухал функц болох "BLOCK"-ынхоо хэлбэрийг өөрчилснөө хэдхэн хоногийн өмнө зарласан билээ.

Яг үнэндээ энэ нь сонгодог утгаараа блоклох биш харин хүсээгүй хүнийхээ жиргээг зөвхөн өөртөө харагдахгүй болгох хэлбэртэй болсон байв.

Тэгвэл энэ шинэчлэл олны ширүүн эсэргүүцэлтэй тулгарсан тул Твиттер компани даруй хуучин хэвэнд нь эргүүлж оруулсан байна.

"Бид хэзээ ч хэрэглэгчийнхээ аюулгүй байдлыг алдагдуулах үнээр шинэ боломж нэмэхгүй" гэж тус компаний Бүтээгдэхүүн хариуцсан Дэд ерөнхийлөгч Майкл Сайпи блогтоо бичжээ.