2021/08/06
Америк доллар
МОНГОЛ БАНК:
2,848.77₮
B30
УЛААНБААТАР
28°
|
13°
B30
УЛААНБААТАР
23°
|
15°
B30
УЛААНБААТАР
21°
|
12°
05:00
S31
10°
06:00
S32
10°
07:00
S32
11°
08:00
S32
14°
09:00
S30
17°
10:00
S30
20°
11:00
S32
22°
12:00
S32
24°
13:00
S30
26°
14:00
S30
27°
15:00
S30
27°
16:00
S30
27°
Энэ мэдээ хуучирсан буюу 2021/03/12 -нд нийтлэгдсэн мэдээ болно.

COVAX хөтөлбөрийн хүрээнд 14,400 тун AstraZeneca вакциныг өнөөдөр хүлээн авлаа

Г.Номин, iKon.mn
2021 оны 3 сарын 12
iKon.MN
Зураг
Гэрэл зургийг mpa.mn

COVAX хөтөлбөрийн хүрээнд хүлээн авах вакцины эхний ээлж болох 14,400 тун AstraZeneca вакциныг өнөөдөр татан авлаа.

Энэ оны эхний улиралд багтаан манай улс AstraZeneca вакцины 112,800 тун, Pfizer/BioNTech компанийн вакцинаас 25,740 тунг тус тус COVAX хөтөлбөрийн хүрээнд хүлээн авахаар болсон юм.

Вакцины дээжийг ДЭМБ-ын суурин төлөөлөгч Сергей Диордица Гадаад харилцааны сайд Б.Батцэцэгт гардуулан өглөө.

ШУУД ҮЗЭХ:

https://fb.watch/4b9iFjf_KG/
2021.03.02-ны өдөр шинэчлэн гаргасан COVAX хөтөлбөрийн вакцин түгээлтийн эхний шатны хуваарийн дагуу 2021 оны 2-5 дугаар сарыг дуустал тус хөтөлбөрт оролцогч нийт 142 улсад 237 сая тун вакцин түгээгдэх юм. Түгээлтийг эхлүүлснээс хойш эхний 12 хоногт Африк, Ойрх Дорнод, Ази, Номхон далайн болон Латин Америкийн нийт 28 улсад 15.7 сая орчим тун вакцин хүргүүлсэн бөгөөд 2021.03.08-14 хүртэлх дараагийн долоо хоногт 14.4 сая тун вакциныг 31 оронд хүргүүлж байгаа аж.

 "Pfizer компанийн хөгжүүлсэн вакцины эхний ээлж энэ сардаа багтаад ирнэ"

 
Гэрэл зургийг mpa.mn

Вакцин хүлээн авах ёслолын арга хэмжээний үеэр Гадаад харилцааны сайд Б.Батцэцэг "Вакцины тэгш хүртээмж тулгамдсан асуудал болж байгаа энэ үед COVAX хөтөлбөрт хамрагдан вакцин хүлээн авч байна. Уг хөтөлбөрийн хүрээнд бидний хүлээн авах вакцин 2021 оны долоодугаар сар гэхэд хүн амынхаа 60 хувийг дархлаажуулах Засгийн газрын зорилтод чухал нөлөө үзүүлнэ. COVAX хөтөлбөрийг хэрэгжүүлэгчид болон хандивлагч орнуудад талархаж байгаагаа илэрхийлмээр байна.

14,400 тун гэдэг нь цөөн тоо боловч том ажлын эхлэл юм. COVAX хөтөлбөрийн хүрээнд эхний ээлжинд 18 улсад вакцин түгээж байгаад манай улс багтсан. Гурав, дөрөвдүгээр сард манай улс нэлээд олон тооны вакциныг хүлээн авна. Pfizer компанийн хөгжүүлсэн вакцин нийтдээ 25,700 тун ирэхээс эхний ээлж нь энэ сардаа багтаад ирнэ.

Засгийн газар долоодугаар сар гэхэд хүн амынхаа 60 хувийг бүрэн дархлаажуулахаар төлөвлөсөн бөгөөд вакцин тасалдалгүй ирээд явна.

Манай улс вакцинаа үнэ төлбөргүй, мөн сонголттойгоор хийлгэх боломжийг ард иргэддээ олгож байгаа" хэмээв.

"Вакциныг аюулгүй хадгалах, тээвэрлэх, хүйтэн хэлхээг дэмжих ажилд үргэлжлүүлэн дэмжлэг үзүүлнэ"

 
Гэрэл зургийг mpa.mn

Үргэлжлүүлэн НҮБ-ын Хүүхдийн сангийн суурин төлөөлөгч Алекс Хайкенс хэлсэн үгэндээ "Өнөөдөр Монгол Улс COVAX хөтөлбөрийн хүрээнд хүлээн авах вакцины эхний ээлж болох 14,400 тун AstraZeneca вакциныг хүлээн авч байна. Дараагийн 98,400 тун вакцин дараагийн саруудад нэмж ирэх юм. Вакцины хүртээмжийг тэгш хүргэх үүднээс хэрэгжүүлж буй COVAX хөтөлбөрийн хандивлагчдадаа талархал илэрхийлье.

Цаашид Монгол Улсын хүн амын 20 хүртэлх хувийг дархлаажуулах вакциныг нийлүүлэх юм. ДЭМБ-ын Монгол Улс дахь суурин зохицуулагч Сергей Диордицагийн хэлсэн үгээс эш татахад "Одоо хэрэгжүүлж байгаа нийгмийн эрүүл мэндийн арга хэмжээн дээр дархлаажуулах ажлыг хэрэгжүүлснээр цар тахлын эсрэг арга хэмжээ шинэ түвшинд гарна. Дархлаажуулалтын ажлыг цаашид амжилттай зохион байгуулахын тулд Монгол Улсын Засгийн газар, ЭМЯ-тай нягт хамтран ажиллах болно. Вакциныг аюулгүй хадгалах, тээвэрлэх, хүйтэн хэлхээг дэмжих ажилд бид үргэлжлүүлэн дэмжлэг үзүүлэх болно" хэмээн хэллээ.

 

x