Уншиж байна ...
Зураг
Зураг
ХУУЧИРСАН МЭДЭЭ: 2021/03/04-НД НИЙТЛЭГДСЭН

С.Энхболд: COVAX хөтөлбөрийн хүрээнд эхний ээлжийн 14,400 тун AstraZeneca вакциныг энэ сарын 15-ны дотор татан авна

Б.МАНЛАЙ, IKON.MN
2021 оны 3 сарын 4
iKon.MN
Зураг зураг
Гэрэл зургийн эх сурвалж: theconversation.com

Короновирусийн халдвараас урьдчилсан сэргийлэх, иргэдээ дархлаажуулах ажил эхэлсэн талаар Засгийн газрыг гишүүн, Эрүүл мэндийн сайд С.Энхболд цар тахлаас сэргийлэх, нийгэм эдийн засагт үзүүлэх сөрөг нөлөөллийг бууруулах тухай хуулийн хэрэгжилтийг сар тутам хэлэлцэх, шаардлагатай гэж үзвэл УИХ-ын холбогдох Байнгын хороогоор хэлэлцүүлэх үүрэг бүхий Түр хорооны гишүүдэд мэдээллээ.

Иргэдээ вакцинжуулах төлөвлөгөөний хүрээнд насанд хүрсэн иргэд буюу нийт иргэдийн 60 хувь буюу 1.9 сая хүнд хийх вакцин авах юм байна. Үүнд

  • Оксфордын Их сургуулийн эрдэмтдийн бүтээсэн, ДЭМБ-аас зөвшөөрөгдсөн AstraZeneca вакцинаас 150 мянган тун,
  • БНХАУ-д үйлдвэрлэсэн, ДЭМБ-д бүртгэгдэхээр хүлээгдэж буй “Синофарм” вакцинаас 300 мянган тун,
  • ОХУ-д үйлдвэрлэсэн, ДЭМБ-д бүртгэгдэхээр хүлээгдэж буй “Спутник V” вакцинаас 20 мянган тун тус тус татан аваад байгаа аж.

Эхний ээлжинд эрүүл мэнд, цагдаа, онцгой болон стратегийн салбарын ажилтан, алба хаагчдаа вакцинжуулж эхлээд байгаа гэлээ.

Вакцин татан авалтын талаар тэрбээр мэдээлэхдээ COVAX хөтөлбөрийн хүрээнд зургаадугаар сар хүртэл AstraZeneca вакцины 112,000 тунг хүлээн авахаар тогтсон бөгөөд үүнээс эхний 14,400 тун энэ сарын 15-ны дотор татан авах юм байна. Түүнчлэн ОХУ-аас манай улсад “Спутник V” вакциныг тусламжаар нийлүүлэхээ илэрхийлсэн. Үүний сацуу 200,000 тунг худалдааны шугамаар захиалж, тавдугаар сарын эхээр татан авахаар төлөвлөсөн байна.

“Синофарм” компаниас 300,000 тун вакциныг арилжааны шугамаар дөрөвдүгээр сард багтаан худалдан авах боломжийг судалж байгаа бол COVAX хөтөлбөр, Засгийн газар хоорондын хамтын ажиллагааны хүрээнд Pfizer вакцины 25,000 тунг оруулж ирэх асуудал хэлэлцэгдэж байгаа гэлээ.

 

Эх сурвалж: Монгол Улсын Шадар сайдын мэдээлэл