COVAX хөтөлбөрт оролцогч 142 улсад тавдугаар сарыг дуустал 237 сая тун "Covishield" вакцин нийлүүлнэ

Гэрэл зургийг mpa.mn

“Вакцины дараах эмнэл зүйн шинж тэмдгийг хэвийн гэж үзсэн учраас маргаашаас вакцинд хамруулах иргэдийн тоог 10-13 дахин нэмэгдүүлэн дархлаажуулалтын ажлыг эрчимжүүлж байна” хэмээн Засгийн газрын Хэвлэл мэдээлэлтэй харилцах газрын дарга Ц.Ганзориг хэлэв.

Мөн тэрбээр, дэлхийд хоногт дунджаар 7.7 сая хүн дархлаажуулалтад хамрагдаж байна.  Энэ хурдаар явбал хоёр тунт вакцинаар дэлхийн нийт хүн амын 75%-ийг дархлаажуулахад дөрвөн жил шаардлагатай гэсэн тооцоо гарсныг дурдсан юм.

Түүнээс гадна, 100 хүн тутамд 95.4 тун вакцин зарцуулсан үзүүлэлтээрээ Израил Улс дэлхийд тэргүүлж байна. 2021 оны гуравдугаар сарын 7-ны байдлаар 111 оронд 300 сая орчим тун вакцинаар дархлаажуулалт хийжээ.

COVAX хөтөлбөрийн хүрээнд БНЭУ-ын Serum хүрээлэнд үйлдвэрлэсэн “AstraZeneca” компанийн хөгжүүлсэн COVISHIELD вакциныг түгээх эхний шатны хуваарийг 2021 оны гуравдугаар сарын 2-ны өдөр шинэчлэн танилцуулсан байна.

Хуваарийн дагуу 2021 оны тавдугаар сарыг дуустал хөтөлбөрт оролцогч 142 улсад 237 сая тун вакцин нийлүүлэх юм.

Түгээж эхэлснээс хойш эхний 12 хоногт Африк, Ойрхи Дорнод, Ази, Номхон далайн болон Латин Америкийн 28 улсад 15.7 сая орчим тун вакцин хүргүүлсэн бөгөөд 2021 оны гуравдугаар сарын 8-14 хүртэлх дараагийн долоо хоногт 31 орон 14.4 сая тун вакцин хүлээн авах юм байна гэж Засгийн газрын Хэвлэл, мэдээлэлтэй харилцах газраас мэдээллээ.

Гуравдугаар сарын 7-ны өдрийн байдлаар хүн амаа дархлаажуулж байгаа тэргүүлэх 10 орон:

ВИДЕО: