"Уул уурхайн ажилчдын ээлж солих асуудал одоохондоо гарахгүй"
Нийслэлийг бүх нийтийн бэлэн байдалд шилжүүлэх шийдвэрийг Засгийн газраас танилцуулсны дараа уул уурхайн ажилчдын ээлж солихтой холбоотой асуудлаар Шадар сайд Я.Содбаатар мэдээлэл өглөө.
Тэрбээр "Уул уурхайн ажилчдын асуудлыг тусгай журмаар зохицуулж байгаа. Арванхоёрдугаар сарын эхээр уул уурхайн 4,900 гаруй ажилчнаар эхний ээлжийг сольсон. Энэ ээлж солигдоод 10 гаруй хонож байна. 21 хонох ёстой учир одоохондоо уул уурхайн ажилчдын ээлж солих асуудал гарахгүй байх.
Экспортын чиглэлийн 23 үйлдвэрийг эрүүл бүс байлгах онцгой дэглэм тогтоосон. Ялангуяа нүүрс, зэс, төмрийн чиглэлийн бүс нутаг дээр дотоодын цэргийн бүрэлдэхүүнтэй анги очиж хамгаалалтыг чангатгасан. Уртын болон богинын тээврийн жолооч нарыг тэнд нь PCR шинжилгээнд хамруулж байгаа. Одоогоор уул уурхайн салбарт гацаж байгаа хүндрэлтэй зүйл гайгүй байна" гэлээ.
